Шуақты жаз - 2022
Бүгін мектеп жанындағы "Бірлік" лагеріндегі екінші маусым да аяқталды. Балалар бұл күнді өте қызықты өткізді: ойын алаңына барып ойнады және пикник жасады, асфальтта сурет салды. Балалар өздеріне жаңа дос тапты!
Бүгінгі күнді таңғы жаттығудан бастаған балалар, уақыттарын тиімді өткізді. Балалар сурет салу үйірмесінде өздеріне ұнаған суреттерін салды. Мақсаты: балалардың эстетикалық тәрбиесін қалыптастыру, қиял, шығармашылық қабілеттерін дамыту. Балалар үшін қызықты, көңілді күн болды.
Оқуға деген қызығушылықты арттыру үшін жазғы кезеңде мектеп жанындағы лагерьде "Оқу шеңбері" ойыны өткізілді. Балалар Э. Успенскийдің "Федор ағай, мысық және ит" әңгімесін бірге оқыды.
Бүгін балалар К.С. Станиславский атындағы драма театрында "Насреддиннің алтын есегі" ертегі қойылымын тамашалады. Бұл ертегі арқылы балалар жақсылық, достық, тапқырлық, зұлымдықпен күрес және әділеттілік әрқашан жеңіске жететіні туралы мағұлмат алды.
Қызықты «Бірлік» лагерінен бір күн:
Кітапханашы Е.И. Стратиенконың жетекшілігімен «Сүйікті ертегілердің кейіпкерлері» атты зияткерлік ойын өтті. Балаларға ертегілерден үзінді келтіріліп, жұмбақтар жасырылды. Ойын балаларға өте қызықты болды.
«Бірлік» жазғы сауықтыру лагерінің оқушылары Талғат Мұхаммедтің жетекшілігімен «Оригами» үйірмесінде қағазбен жұмыс істеу тәсілдерімен, бүктеу, бірнеше рет қатпарлау әдістерімен танысты. Балалар өз қолдарынан қайық, бақа жасады.
Бүгін «Қазақша сөйлейміз» үйірмесінде астана күніне арналған «Туған күніңмен, Нұр – Сұлтан» сайыс түріндегі ойын сабағы өтті. Балалар Нұр – Сұлтан қаласындағы ғимараттарды мозайка түрінде құрастырды және олардың атауларын тапты. Ойын сабағы тартысты әрі қызықты өтті.
Рухани жаңғыру ісінде мұражайлардың алатын орны ерекше. Бүгін біздің балалар Қарағанды облыстық тарихи – өлкетану мұражайына саяхаттап қайтты. Саяхат сабағының мақсаты – жаһандану заманында еліміздің тарихын келешек ұрпаққа танытып, тәуелсіздігімізді тұғырлы ету жолында саналы ұрпақ қалыптастыру. #өнербаршаға
Бүгін балалар арасында көңілді эстафета ойындары өткізілді. Мақсаты: Балалардың шапшаңдық, ұқыптылық қасиеттерін арттыру және салауатты өмір салтына баулу.
«Бірлік» жазғы сауықтыру лагерінің оқушылары «Сарыжайлау» кинотеатрына барып Walt Disney - дің «Мен қызарамын» мультфильмін тамашалады. Балаларға өте қатты ұнады.
Ж.К. Бейсембина мен М. Талғаттың ұйымдастыруымен біріктірілген сабақ өткізілді. Балалар 4 топқа бөлініп, берілген мозайка суреттерді бояп жарысты. Балалар топпен жұмыс жасап үйренді. Сабақ соңында 4 топтың салған суреттері тақтаға ілініп, дауыс беру арқылы 1 орын жүлдегерлері анықталды. 1 орынды – Ким Мэй бастаған топ жеңіп алды. Сыйлықтары табыс етілді.
Қызықты «Бірлік» лагерінен бір күн:
Балалар бүгінгі күнді таңертеңгі жаттығумен бастады. Одан кейін Қарағанды облыстық тарихи – өлкетану мұражайы ішіндегі кинозалға барып, «Огрики» мультфильмын тамашалап келді.
Күніміздің екінші жартысы «Қазына» ойынымен жалғасын тапты. 7 станция балаларды өз тапсырмаларымен қарсы алды. Балалар тарапынан ерекше белсенділік пен көңіл – күй байқалды. Соңғы станцияда балалар өз қазыналарын тауып, дән риза болды.
Бүгін Н. В. Гоголь атындағы облыстық әмбебап ғылыми кітапханасында балалар жылына арналған "Кітапханадағы жаз – 2022" акциясы аясында, "Жаз аумағы" алаңы іске қосылды. Кітапхана қызметкерлері балалармен "Мен бес есімді білемін", "Саңырау телефон", "Жеуге жарайтын – жеуге болмайтын" сияқты түрлі ойындар өткізді. Сонымен қатар логикалық ойлауды дамытатын "Ең, ең, ең", "Әлемді танимын", "Сүйікті ертегілер" сияқты қызықты викториналар өткізілді. Балалар барлық сұрақтарға қуана жауап берді.
Бүгін оқушылар Балалар мен жасөспірімдер сарайында «Ертегідегі ертегі» атты ертегі қойылымын тамашалады. Бұл қойылым балаларды мейірімділікке және шыншыл болуға үйретті.
Қызықты «Бірлік» лагерінен бір күн:
Балалар «Робототехника» клубына жиналды. Ж. М. Әлиақпардың жетекшілігімен балалар "Робототехника" тақырыбымен танысып, ол туралы негізгі білімдерін қалыптастырды, осы тақырыптың қызықты жақтарымен танысты.
Бүгін біздің мектеп жанындағы лагерьдің балалары «Балалар мен жасөспірімдер сарайындағы» «Бірге билейміз» хореографиялық үйірмесіне барды. Балалар қимыл қозғалыспен музыканы үйлестіру шеберлігін үйренді.
Бүгінгі күнді таңғы жаттығудан бастаған балалар уақыттарын тиімді өткізді. Ойындар мен жарыстар ұйымдастырылды. Балалар үшін қызықты, көңілді күн болды.
Қызықты «Бірлік» лагерінен бір күн:
Ж.К. Бейсембинаның жетекшілігімен «Қазақша сөйлейміз» үйірмесінде қызықты ойын сабағы өтті. Балалардың қызығушылығы өте жоғары деңгейде болды.
Бүгін «Бірлік» гимназия жанындағы лагердің екінші ауысымының мерекелік ашылуы өтті. Салтанатты жиында балаларды №3 гимназия директорының ТЖ орынбасары Б.С. Кадирбаева құттықтады. Лагерь ашылуында балалар топтармен жұмыс жасайтын гимназия ұжымымен танысты. Барлығын қызықты демалыс пен көптеген қызықты оқиғалар күтіп тұр!
Міне, мектеп жанындағы "Бірлік" лагеріндегі бірінші маусымда аяқталды. Балалар бұл күнді өте қызықты өткізді: олар асфальтта сурет салды, бөтелкелерден мұнаралар жасады,би билеп, жарыстарға қатысты. Оқушылар өздеріне қаншама жаңа дос тапты!
Ал бүгін балалар асфальтта біздің жаз ,демалыс, армандарымызды салды. Қандай ғажайып пейзаждар шықты!
"Шебер қолдар"атты үйірме бағдарламасы көркемдік-эстетикалық бағытқа жатады. В.А. Гордиенконың жетекшілігімен біздің балалар түрлі материалдардан қолөнер жасауды үйренді. Бұл сабақтар оқушылардың шығармашылық қабілеттерін дамытады.
Бүгін мектеп жанындағы "Бірлік" лагерінің ұлдары "Батырлар турнирына" қатысты. Олар жылдамдық, күш және ептілік бойынша жарысты.
"Бөл, жалға, қайта өнде"-осы тақырыппен "Қарағанды облыстық табиғи ресурстар басқармасы"мамандарының ұйымдастыруымен экологиялық шара өтті. Бұл іс-шара балалардың экологиялық мәдениетін арттыруға ықпал етеді, адамның табиғатпен ұтымды қарым-қатынас жасауына үйретеді және шығармашылық белсенділігін артады.
Жолда және көлікте өзін-өзі ұстау ережелері туралы білімдерін бекіту мақсатында мектеп жанындағы "Бірлік" лагерінде "Жол және балалар" атты ойын-викторина өтті.
Мектеп жанындағы "Бірлік"лагерінде "Ең білімді және сүйкімді" атты байқау өтті. Байқауға қатысушы қыздар өздерінің шығармашылық және үлкен аудитория алдында сөйлеу қабілеттерін көрсетті.
Біздің балалар “Қазынаны тап” ойынына қатысты. Іс-шара кеңістікте бағдарлау қабілеттерін дамытуға, балалар ұжымын біріктіруге, олардың ой-өрісін кеңейтуге, зейінін жаттықтыруға бағытталды. Ойын соңында балалардың барлығына тәтті сыйлықтар үлестірілді.
8 маусым күні мектеп жанындағы “Бірлік” лагерінде оқу- жаттығулар жүргізіліп, оның ішінде жеке құрамды эвакуациялауға арналған обьектілік оқу өтті. Эвакуация барысында балалар өрт шығу жағдайында әрекет етуді үйренді.
“Бірлік” лагеріндегі бесінші күн
Топтағы балалар бір бірімен танысып, достасып та үлгерді. Бүгін «Визитка отряда» атты байқау барысында өздерінің ұйымшылдық пен шығармашылық қабілеттерін көрсетті.
К.С.Станиславский атындағы драма театрында балалар “Волшебный осел Насреддина” атты ертегі қойылымын тамашалады. Бұл қойылым оларды тапқырлыққа және кез келген жағдайда шешім кабылдай алуға үйретті.
4 маусым күні біз Қазақстан Республикасының Мемлекеттік рәміздер күнін тойлаймыз.
Осы мерекеге орай “Мемлекеттік рәміздер білгірі” атты викторина өткізілді. Іс-шараның мақсаты: Қазақстан Республикасының рәміздері туралы білімдерін тереңдету, мемлекеттік рәміздерді құрметтеу және отансүйгіштікке тәрбиелеу. Командалық ойын барысында жоғары жасақ оқушылары мемлекеттік рәміздер туралы өз білімдерін көрсете білді.
3 маусым күні мектеп жанындағы “Бірлік” лагерінде кәсіптік бағдар беру шарасы ұйымдастырылды. Балалардың барлығы бір сағат көлемінде «Шебер қаласының» тұрғындары болды. Олар дзюдодан жаттығуларда, массаж сеансында болды, сәнді шаш үлгісі мен аквагрим жасады, өздерін дизайнер, дәрігер, полиция қызметкері ретінде сынап көрді. Барлық жұмыстар жақсы, өз қалауыңды таңдай біл!
“Бірлік” лагеріндегі әрбір күн динамикалық жаттығулардан басталады. Күнделікті жаттығулар дененің оянуына көмектеседі, бұлшық еттерді дамытады, тәбетті жақсартады және күні бойына қуат береді.
Бүгін «Бірлік» лагерінің жеткіншектері «Өзіңді сақта» тренингіне қатысты. Сіз немесе сіздің досыңыз қиындыққа тап болған жағдайда алғашқы көмек көрсете білу өте маңызды. Балалар көгерген, сызылған, кесілген, күйген және т.б. жағдайда алғашқы медициналық көмек көрсетудің қарапайым ережелерімен танысты. Олар таңғыш пен гипсті дұрыс қолдануды үйренді. Жараны емдеп, таңғыш тағу жолдарын білді.
Бүгінгі алған білімдері қиын жағдайларға тап болған кезде өзіне және қасындағы достарына көмектесе алады деп сенеміз.
Копеева Д.А. мен Салихова Н.Р. қазақ тілі және ағылшын тілі үйірмесіне лагерь балаларымен жұмыс істеді. Үйірмеде олар ойын түрінде қазақ және ағылшын тілдерінен білімдерін жетілдірді.
Шахмат ойынының жанкүйерлері «Белая Ладя» клубына жиналды. Р.Н.Бикбатыровтың жетекшілігімен балалар шахмат тақтасында алғашқы қадамдарын жасап көрді. Радик Нурлаянович шахмат ойынының шығу тарихына тоқталып, балалардың қызығушылығын арттырды.
Қызықты «Бірлік» лагерінен бір күн:
Гордиенко В.А. жетекшілігімен балалар «Очумелые ручки» үйірмесінде квиллинг техникасын меңгеріп, түрлі- түсті көбелектер жасады.
«1-маусым - Халықаралық балаларды қорғау күні», «Бірлік» лагерьінің балалары «Сары-Жайлау» кинотеатрында мерекелік бағдарламаны тамашалады. Олар жаңа «Суворов» фильмін тамашалады, сонымен қатар жарыс ойын бағдарламасына қатысты. Барлық балалар сыйлықтарға ие болды. Әр топтарға футбол және баскетбол доптары табысталды. Мерекеде тәттілер мен балмұздақ таратылды.
Бүгін «Бірлік» гимназия жанындағы лагердің бірінші ауысымының мерекелік ашылуы өтті. Салтанатты жиында балаларды №3 гимназия директоры С.К.Кульжамбекова құттықтады. Лагерь ашылуында балалар топтармен жұмыс жасайтын гимназия ұжымымен танысты. Барлығын қызықты демалыс пен көптеген қызықты оқиғалар күтіп тұр!
