2024 жылғы 3 сәуір Қарағанды ОПБ қызметкерлері полиция капитаны Абрахманова А.М., полиция лейтенанты Муханова А.Е. 10-11 сынып оқушылары арасында құқық бұзушылықтың алдын алу мақсатында «Интернеттегі алаяқтық. Әкімшілік және қылмыстық жауапкершілік», «Бұзақылық» тақырыптарын қамтып, түсіндіру жұмыстарын жүргізді. Тәртіп сақшылары оқушыларға жеке қауіпсіздікті сақтаудың маңыздылығы туралы ақпарат берді. Мектеп оқушыларына жиі кездесетін алаяқтық түрлері туралы ақпарат берілді. Полицейлер әлеуметтік желілерде, ойын және сауда алаңдарында және тексерілмеген сайттардағы алаяқтық әрекеттер туралы егжей-тегжейлі айтты.
Полиция қызметкерлері кәмелетке толмаған азаматтардың 14 жастан бастап ата-анасы мен қамқоршысының келісімінсіз банк шоттарында ақшасын сақтай алатынын, осы жастан бастап банк картасын да бере алатынын, сондықтан жеке тұлғаларға тиесілі жеке деректердің жариялануына жол бермеу мәселесін атап өтті. Бұл жерде банк карталары маңызды.
Жастардың бір-біріне деген толерантты, сыйластық қарым-қатынасын қалыптастыруға баса назар аударып, мектептегі өзін-өзі ұстау ережелеріне, сыныптастармен қарым-қатынасқа және құрбы-құрдастарына тіл тигізуге болмайтындығына ерекше тоқталып, балалар өздерін қызықтырған барлық сұрақтарға білікті жауаптар мен ұсыныстар алды.
Баланы жәбірлеудің (буллингтің) профилактикасы қағидаларын бекіту туралы (сілтеме)
