22 қарашада Қарағанды қаласындағы Абай атындағы мектеп-гимназияда Зияткерлік модернизация жобасы аясындағы«Aqyl Battle»қалалық деңгейдегі жас мұғалімдерге арналған зияткерлік сайыс өтті. Біздің мектептен бұл сайысқа дене шынықтыру пәні мұғалімдері Кенешов С.Б. және Сапар Ұ.Д. қатысты.
Сайыстың мақсаты:
- Жас мамандар арасында білімге деген қызығушылықты арттыру және олардың өз салаларындағы білімдерін көрсетуіне мүмкіндік беру;
- Пәндік емес мұғалімдер арасында білім интеграциясы мен пән аралық байланысты дамыту;
- Командалық рухты және ынтымақтастықты нығайту.
Aqyl battle зияткерлік сайсына қатысу біздің жас ұстаздарымыз үшін, кәсіби деңгейде дамуындағы маңызды қадам ғана емес, сонымен қатар зияткерлік жаңғырту саласындағы идеяларды іске асыру үшін жаңа көкжиектер ашқан маңызды тәжірибе болды. Сындарлы сын мен кеңестер осындай ауқымды бастамаларды жүзеге асыру кезінде қандай мәселелерді ескеру керектігін түсінуге мүмкіндік берді. Сондай-ақ, байқауға қатысу ұстаздарымыздың командалық жұмыс дағдыларын ұштай түсті. Сайыс барысында әріптестердің пікірлерін жақсырақ тыңдауды, салмақты шешімдер қабылдауды және компромиске келуді үйренді.
Бұл сайыста біздің жас мамандарымыз, Кенешов Сағынған Бақтыбаевич ІІІ орынға ие болды және Сапар Ұлан Даулетұлы сертификат алды.
“Зияткерлік модернизация-23” мектептерінің жас мамандары арасындағы BRAIN-RAIN интеллектуалдық сайысы жас педагогтардың білім деңгейін көтеру, олардың шығармашылық әлеуетін дамыту және кәсіби құзыреттіліктерін нығайту мақсатында ұйымдастырылды. Біздің мектептен математика мұғалімі Майрамбаева Айжан қатысып, топпен 3-ші орынға ие болды.
Бұл іс-шара арқылы жас мамандар өздерінің білімін, логикалық ойлау қабілетін, командалық жұмыс дағдыларын сынап, бір-бірімен тәжірибе алмасты. Сондай-ақ, сайыс педагогтар арасындағы байланыстарды нығайтуға, оларға жаңа идеялар мен әдістемелерді үйренуге мүмкіндік берді.
Е.А. Бөкетов атындағы Қарағанды университетінің тарих факультетінде алаштанушы, Елдос Тоқтарбайдың «АЛАШ ЖӘНЕ ҰЛТТЫҚ МЕМЛЕКЕТ» тақырыбында дәрісі өтті.
Рухани кездесу барысында Елдос Тоқтарбай «АЛАШ ТАРИХЫ», «АЛАШ» қайраткерлерінің ғұмыр жолына қатысты, әсіресе, репрессия, қуғын-сүргін кезеңдері және «АЛАШ» қозғалысы өкілдерін мұрасын танып, зерттеу мақсатында алыс-жақын шет мемлекеттердің бірқатар архив, кітапханаларының сирек қорларымен жұмыс барысындағы мол дерек пен құжаттар жөнінде баяндады.
Елдос Тоқтарбай: мені қызықтыратын нәрсе – «АЛАШ» тұлғаларының әлеуеті. Әлі күнге дейін олардың қабілет-қарымына, талант, талабына сүйсіне, қызыға қарап, тамсанып отырамын. Бәрі шетінен сайдың тасындай іріктелген бекзадалар еді. Заман тудырған, тарих өзі саясат сахнасына шығарған. Алаш тарихы – мұхит сияқты сарқылмайтын сондықтан жастар ұлы бабаларымыздың ерен еңбектерін зерттеп, насихаттау бізге аманат - деді.
Бүгін қалалық білім бөлімінің қолдауымен Жақып Ақбаев атындағы мектепте ұйымдастырылған “ZIATKERLIK MODERNIZASIA-23” жобасы аясында “Мен оқыдым, сен де оқы…” READx жобасы өтті. Бұл шараға біздің мектептің бастауыш сынып мұғалімі Асел Мухаметхалиевна қатысып, өз тәжірибесімен бөліскеніне үлкен мақтанышпен айта аламыз.
“Мәдениеттің мәйегі – кітап” деп Шерхан Мұртаза айтқандай, кітапты оқып қана қоймай, оны ортада талқылаудың әсері бөлек екені белгілі. Асел Мухаметхалиевна осы жобаға Сайын Мұратбековтың “Жусан иісі” повесін ұсынды. Шығармада соғыс жылдарында балалық шағы ұрланған, ауыр кезеңдерді басынан өткерген Аянның өмірі баяндалады. Автор арқылы оқырманға қиындыққа мойымау, бауырмалдық, рухтың мықтылығы сынды қасиеттер дәріптеледі. Рухы биік, патриот ұрпақ тәрбиелеу үшін бұл кітапты оқуға кеңес берілді.
READx жобасын жоғары деңгейде ұйымдастырған Жақып Ақбаев мектебінің ұжымына алғысымыз шексіз.
Бүгін қалалық білім бөлімінің қолдауымен Жақып Ақбаев атындағы мектепте ұйымдастырылған “ZIATKERLIK MODERNIZASIA-23” жобасы аясында “Мен оқыдым, сен де оқы…” READx жобасы өтті. Бұл шараға біздің мектептің бастауыш сынып мұғалімі Асел Мухаметхалиевна қатысып, өз тәжірибесімен бөліскеніне үлкен мақтанышпен айта аламыз.
“Мәдениеттің мәйегі – кітап” деп Шерхан Мұртаза айтқандай, кітапты оқып қана қоймай, оны ортада талқылаудың әсері бөлек екені белгілі. Асел Мухаметхалиевна осы жобаға Сайын Мұратбековтың “Жусан иісі” повесін ұсынды. Шығармада соғыс жылдарында балалық шағы ұрланған, ауыр кезеңдерді басынан өткерген Аянның өмірі баяндалады. Автор арқылы оқырманға қиындыққа мойымау, бауырмалдық, рухтың мықтылығы сынды қасиеттер дәріптеледі. Рухы биік, патриот ұрпақ тәрбиелеу үшін бұл кітапты оқуға кеңес берілді.
READx жобасын жоғары деңгейде ұйымдастырған Жақып Ақбаев мектебінің ұжымына алғысымыз шексіз.
13 желтоқсан Ж.Тәшенев атындағы ЖББМ мектебінде мұғалімдер арасында іс-шара өтті. Негізгі мақсаты – жас мамандарға болашақтағы табысқа жету жолдарын көрсету және мотивация беру. Сонымен қатар, қатысушылар «Тәшенев жастары» рухани орталығының жұмысымен танысып, музейге саяхат жасайды.
Біздің мектептің химия-биология мұғалімі Аяулым Қанатовна да осы шараға қатысып, тәжірибе алды, бұл шара жас мұғалімдер үшін пайдалы әрі қызықты болғаны анық.
10 сәуір күні “Ғылым және технология” жаратылыстану-ғылыми сауаттылығы апталығы аясында 9 сыныптар арасында “Химиялық викторина” интеллектуалдық ойыны өтті.
Ойынның мақсаты: химияны оқудың бастапқы кезеңінде алған білім көкжиегін кеңейту, викторинаны қызықты түрде өткізу.
Интеллектуалдық сайыс үш кезеңнен құралады:
1 кезең-“Білім алаңы”
2 кезең-“PUZZLE”
3 кезең-“CATCH THE BALL”
Пән мұғалімі: Маратова А.К.
