Қазақстан Мемлекеттік саясатының негізгі басымдылықтарының бірі сыбайлас жемқорлықпен күрес болып табылады. Өскелең ұрпақтың сыбайлас жемқорлыққа қарсы көзқарастарын қалыптастыру мақсатында, "Сыбайлас жемқорлыққа қарсы қызметтің алдын алу" басқармасының офицері Алшынбаева Айнұр Серікқызы, «Қарағанды облысы бойынша Сыбайлас жемқорлыққа қарсы іс-қимыл департаментінің жұмысы туралы және заңнамалары» тақырыбында семинар өткізді. Негізгі мақсат-жастармен кездесулер ұйымдастыра отырып, оларға жемқорлыққа қарсы заңнаманы, сыбайлас жемқорлық туралы ұғымды түсіндіру және сыбайлас жемқорлыққа қарсы іс-қимылдар бойынша шараларды жетілдіру, әр түрлі санаттағы жастардың арасында заңдылық пен жемқорлыққа қарсы тәртіп орнату, сыбайлас жемқорлық құбылыстарына қарсы әрекет ете білуге тәрбиелеу болып табылады.
2022 жылдың 9 қараша күні ҚР сыбайлас жемқорлыққа қарсы іс-қимыл агенттігінің ресми өкілі, құқықтық комиссия мүшесі, сыбайлас жемқорлыққа қарсы ұйымның органы төрағасының орынбасары Тлеубердинов Аркадий Набиұлы гимназияның Адал ұрпақ еріктілер клубы мүшелері және жоғары сынып оқушыларымен кездесу өткізді. Дәріс барысында адалдық, адамгершілік, мәдениеттілік құндылықтары бойынша бірқатар талдаулар жасап, құқықтық мәдениетті қоғамды қалыптастыру жайлы ойларын ортаға салды. Сонымен қатар, елімізде сыбайлас жемқорлыққа қарсы жүргізіліп жатқан жұмыстар бойынша ақпарат бере отырып, оның алдын алу әр азаматтың парызы деп атап өтті. Бір сабаққа жоспарланған дәріс гимназистердің көңілінен шығып, уақытынан бірталай созылып кетті. Білімалушылар өздерінің сұрақтары мен ойларын ортаға еркін салып, толыққанды жауап ала алды. Аркадий Набиұлы өзінің ашықтығымен, шынайлығымен отырған аудиторияны баурап алды.
Сыбайлас жемқорлыққа қарсы заңнама
9 «Ә» сыныбы «Құқықтық сауаттылық - заман талабы» сайысы «Адал ұрпақ» мектеп клубының жұмысы.
Қарағанды облысының жалпы білім беретін мектептерінің 5-8 сынып оқушылары арасында "Адал және сатылмайтын еңбектің келбеті" тақырыбында өткен ҮЗДІК СУРЕТ байқауында жеңіске жетіп 3-орынға ие болған Беркинова Инкар Аяновнаны құттықтаймыз!!!
