«Отбасы тәрбиесіндегі қамқорлық мәселесі»
Отбасы – баланың ең алғашқы әлеуметтік ортасы, оның мінезі, әдеті, сезімдік әлемі осы жерде қалыптасады. Қамқорлық – отбасы тәрбиесінің негізгі тіректерінің бірі. Ол тек материалдық қолдау ғана емес, баланың жүрегіне, психологиясына, сезіміне бағытталған эмоционалдық қолдау.
Қамқорлық – баланың қажеттіліктерін сезіну, оны қорғау, қолдау, түсіну және жылулық беру.
Оған мыналар жатады:
· Махаббат пен мейірім;
· Қауіпсіздік пен сенімділік;
· Эмоционалдық қолдау;
· Тәрбиелік бағыт беру;
· Баланың пікірін тыңдау.
Қамқорлық баланың:
· Өзін қауіпсіз сезінуіне;
· Өзін–өзі бағалауына;
· Өз–өзіне сенімді болуына;
· Әлеуметтік дағдыларының қалыптасуына;
· Қарым–қатынас мәдениетінің дамуынатікелей әсер етеді.
Мейірімді ортада өскен бала өзгені де құрметтеуді, жанашыр болуды үйренеді.
1. Эмоционалдық қолдау
· Бала қиындық көргенде оның жанында болу.
· «Мен сені түсінемін», «Саған көмектесемін» деген сөздер айту.
2. Сапалы уақыт бөлу
· Бірге ойнау, сурет салу, әңгімелесу.
· Тек физикалық бірге болу емес, шын мәнінде көңіл бөлу.
3. Тыңдай білу
· Бала сөйлегенде бөлмеу.
· Оның ойын, сезімін бағалау.
4. Жауапкершілікке үйрету
Қамқорлық – баланың бәрін орнына істеп беру емес.
Шынайы қамқорлық – баланы:
· өзін күтуге,
· заттарын жинауға,
· әрекеті үшін жауап беругеүйрету.
5. Жылы қарым-қатынас
· Құшақтау, еркелету, мақтау.
· Жақсы ісі үшін «Рахмет», «Жарайсың» айту.
Ата-аналарға ұсыныстар
· Баланың сезімін жоққа шығармаңыз («Жылама», «Бос сөз» демеңіз).
· Шынайы мақтаңыз, асыра мақтамаңыз.
· Қателесуіне мүмкіндік беріңіз.
· Үйде жылы психологиялық ахуал жасаңыз.
· Әр балаға бөлек көңіл бөліңіз.
Қамқорлық – баланың жан дүниесін қалыптастыратын қуатты күш. Ата–ананың мейірімі мен бақылауы үйлескенде ғана толыққанды, жауапты, мейірімді тұлға қалыптасады. Отбасыдағы қамқорлық – баланың болашағына жасалған ең үлкен инвестиция.
Дайындаған: Тусупова А. Т.
