2026–2027 оқу жылы

Коммуналдық мемлекеттік мекеме «Қарағанды облысының білім басқармасы Қарағанды қаласының білім бөлімі» КММ-не қарасты «№25 жалпы білім беретін мектеп» 2026 жылғы 05.10 бастап бос және уақытша бос лауазымдарға орналасуға конкурс жариялайды.

Атауы:

Коммуналдық мемлекеттік мекеме «Қарағанды облысының білім басқармасы Қарағанды қаласының білім бөлімі» КММ-не қарасты «№25 жалпы білім беретін мектеп».

Негізгі қызметі:

негізгі орта білім берудің жалпы білім беретін бағдарламаларын іске асыру.

Мекенжайы:

100023, Қарағанды облысы, Қарағанды қаласы, 23-шағын аудан, 5/3 құрылыс, телефон: 53-71-85.

Лауазымдар:

• орыс тілі мен әдебиеті пәнінің мұғалімі (оқыту тілі – қазақ тілі) — 1; оқу жүктемесі: 24 сағат.

• орыс тілі мен әдебиеті пәнінің мұғалімі (оқыту тілі – орыс тілі) — 3; оқу жүктемесі: 40 сағат.

• бастауыш сынып мұғалімі (оқыту тілі – орыс тілі) — 1 (1 – бала күтіміне байланысты демалыс кезеңіне); оқу жүктемесі: 16 сағат.

• математика пәнінің мұғалімі (оқыту тілі – орыс тілі) — 3; оқу жүктемесі: 49 сағат.

• математика пәнінің мұғалімі (оқыту тілі – қазақ тілі) — 2 (1 – бала күтіміне байланысты демалыс кезеңіне); оқу жүктемесі: 20 сағат.

• физика пәнінің мұғалімі (оқыту тілі – қазақ тілі) — 1; оқу жүктемесі: 16 сағат.

• физика пәнінің мұғалімі (оқыту тілі – орыс тілі) — 1; оқу жүктемесі: 16 сағат.

• көркем еңбек пәнінің мұғалімі (оқыту тілі – орыс тілі) — 1; оқу жүктемесі: 16 сағат.

• Оқу жұмысы жөніндегі директордың орынбасары — 1; оқу жүктемесі: 1 ставка.

• Ағылшын тілі мұғалімі – 1; оқу жүктемесі: 16 сағат.

• Тәрбие жұмысы жөніндегі директордың орынбасары — 2; оқу жүктемесі: 1,5 ставка.

• Педагог-психолог — 1 ставка.

• Дефектолог — 1 ставка.

• Педагог-ассистент — 4 ставка.

Біздің командамызда бастамашыл, жауапты және шығармашыл педагогтерді қуана қарсы аламыз!

Лауазымдық міндеттері:

Білім беру ұйымы басшысының (директорының) (негізгі орта, жалпы орта) оқу жұмысы жөніндегі орынбасары

оқу-тәрбие процесін, білім беру ұйымы қызметінің ағымдағы жоспарлануын ұйымдастырады; оқу-тәрбие процесінің, ғылыми-әдістемелік және әлеуметтік-психологиялық қамтамасыз етілуінің жай-күйін талдайды; педагогтердің мемлекеттік стандартты, жұмыс оқу жоспарлары мен бағдарламаларын орындауы бойынша жұмысын, сондай-ақ құжаттаманы әзірлеуді үйлестіреді; педагогтердің қысқа мерзімді жоспарларын тексереді; білім берудің мемлекеттік жалпыға міндетті стандарты шеңберінде білім беру процесінің сапасы мен білімді меңгеру нәтижелерін бағалаудың объективтілігін бақылауды жүзеге асырады; ағымдағы және қорытынды аттестаттауды ұйымдастыру бойынша жұмысты жүзеге асырады; білім беру процесіне жаңа тәсілдер мен тиімді технологиялардың енгізілуін қамтамасыз етеді; қашықтықтан оқыту процесін ұйымдастырады, барлық сыныптарға арналған қашықтықтан оқыту оқу бағдарламасы мен сабақ кестесін түзетеді; пәндер бойынша мектепішілік бақылауды ұйымдастырады және жүзеге асырады, білім кесінділерін өткізеді, мектепішілік бақылау, БЖБ және ТЖБ нәтижелері бойынша білім сапасын талдайды. Пәндер бойынша білімді тақырыптық бақылауды қамтамасыз етеді; білім алушылардың оқу жүктемесін бақылайды, сабақтардың, курстардың және жұмыс оқу жоспарының вариативтік компоненті сабақтарының кестесін жасайды; білім алушылар мен педагогтердің олимпиадаларға, конкурстарға, жарыстарға қатысуын ұйымдастырады; ерекше білім беру қажеттіліктері бар білім алушыларды психологиялық-педагогикалық қолдау қызметінің жұмысын үйлестіреді; білім беру ұйымының пәндік әдістемелік бірлестіктері мен эксперименттік жұмысын үйлестіреді, ғылыми-әдістемелік және әлеуметтік-психологиялық жұмысты және оның талдауын қамтамасыз етеді; педагогтердің тиімді тәжірибесін жинақтайды және тарату бойынша шаралар қабылдайды; тәлімгерлік, біліктілікті арттыру және біліктілік санаттарын беру (растау) бойынша жұмысты ұйымдастырады; жұмысты жоспарлайды және оқу зертханалары мен кабинеттерін заманауи жабдықтармен, көрнекі құралдармен және оқытудың техникалық құралдарымен жарақтандыру жөнінде ұсыныстар енгізеді, пән мұғалімдерімен бірлесіп баламалы оқулықтарды таңдайды, оқулықтар мен оқу-әдістемелік кешендерді, оның ішінде электрондық оқулықтар мен цифрлық ресурстарды сатып алуға өтінім береді, әдістемелік кабинеттер мен кітапханаларды оқу-әдістемелік және көркем әдебиеттермен толықтыруды ұйымдастырады; жыл сайын кітапхана қорын әдебиеттермен толықтыруға өтінім енгізеді; оқу-тәрбие процесінде пайдаланылатын жабдықтардың, аспаптардың, техникалық және көрнекі құралдардың қауіпсіздігін қамтамасыз етеді; белгіленген есепті құжаттаманың сапалы әрі уақтылы жасалуын қамтамасыз етеді және педагогтердің сабақтарын талдап, кері байланыс береді; оқу процесін жетілдіру бойынша әдістемелік сағаттар, оқыту семинарлары, тренингтер өткізеді; педагогикалық кеңестердің күн тәртібі мен материалдарын дайындайды; білім алушылар, тәрбиеленушілер, педагогтер және басқа да қызметкерлер арасында сыбайлас жемқорлыққа қарсы мәдениетті, академиялық адалдық қағидаттарын қалыптастырады.

Біліктілік талаптары:

тиісті бейін бойынша жоғары және (немесе) жоғары оқу орнынан кейінгі педагогикалық немесе өзге де кәсіптік білімі немесе педагогикалық қайта даярлаудан өткенін растайтын құжаты, педагогикалық жұмыс өтілі кемінде 3 жыл болуы; және (немесе) білім беру ұйымының «үшінші біліктілік санатындағы басшының орынбасары» немесе «екінші біліктілік санатындағы басшының орынбасары», немесе «бірінші біліктілік санатындағы басшының орынбасары» біліктілік санатының болуы не «педагог-сарапшы» біліктілігінің немесе «педагог-зерттеуші», немесе «педагог-шебер» санатының болуы.

Білім беру ұйымы басшысының (директорының) (бастауыш, негізгі орта, жалпы орта) тәрбие жұмысы жөніндегі орынбасары

тәрбие процесін ұйымдастыруды қамтамасыз етеді; тәрбие жұмысының ағымдағы және перспективалық жоспарлануын ұйымдастырады; аға тәлімгерлердің, ұзартылған күн топтары тәрбиешілерінің, сынып жетекшілерінің, педагог-психологтердің, әлеуметтік педагогтердің және қосымша білім беру педагогтерінің қызметін жоспарлау мен бақылауды жүзеге асырады; тәрбие жұмысы бойынша, мәдени-тәрбие іс-шараларын дайындау және өткізу бойынша құжаттаманы әзірлеуді қамтамасыз етеді; тәрбие процесінің мазмұны мен өткізілу сапасына жүйелі бақылауды жүзеге асырады; педагогтерді іріктеуге қатысады, педагогтердің кәсіби дамуы, біліктілігін арттыруы және кәсіби құзыреттілігін жетілдіру бойынша жұмысты ұйымдастырады; әкімшіліктің, әлеуметтік-психологиялық қызметтер мен білім беру ұйымдарының тәрбие процесін қамтамасыз ететін бөлімшелерінің қоғамдық өкілдермен және құқық қорғау органдарымен, ата-аналар қауымдастығы өкілдерімен, қамқоршылық кеңеспен өзара іс-қимылын үйлестіреді; білім беру процесіне қатысушылардың барлығында толерантты мінез-құлық мәдениетін қамтамасыз етеді; ерекше білім беру қажеттіліктері бар білім алушыларды психологиялық-педагогикалық қолдау қызметінің қызметін үйлестіреді; мектеп пен ата-ана арасындағы қатынастардың жаңа нысандарын қамтамасыз етеді, мектеп пен отбасының толық өзара іс-қимылын ұйымдастырады; білім алушыларға медициналық қызмет көрсетудің жай-күйін бақылайды; тәрбие іс-шараларын өткізу кезінде ақпараттық-коммуникациялық технологияларды қолданады; кибермәдениетті (компьютерлік технологиялардың мүмкіндіктерін пайдаланады) және кибергигиенаны (интернет желісінде жұмыс істеу дағдылары мен білімдерін меңгерген) дамытады; білім алушылар мен педагогтердің конкурстарға, слеттерге, конференцияларға қатысуын қамтамасыз етеді; кәсіптік бағдар беру жұмысын жүргізеді; есепті құжаттаманың сапалы және уақтылы тапсырылуын қамтамасыз етеді; ата-аналарға арналған педагогикалық консилиумдарды ұйымдастырады және өткізеді; мектеп парламентінің, пікірсайыс қозғалысының, оқушылардың өзін-өзі басқаруының, «Жас қыран», «Жас ұлан» балалар ұйымдарының жұмысын ұйымдастырады; «Қоғамға қызмет ету», «Отанға тағзым», «Үлкенге құрмет», «Анаға құрмет» қоғамдық-пайдалы жұмыстарын ұйымдастырады; білім беру ұйымы түлектерінің қауымдастығын құру және оның қызметін қамтамасыз ету бойынша жұмысты үйлестіреді; педагогикалық еңбек ардагерлерімен өзара іс-қимыл жасайды; білім беру ұйымы мұражайының жұмысын ұйымдастырады; туристік жорықтар мен экскурсияларды ұйымдастырады; білім алушыларда патриоттық тәрбиені, іскерлік қарым-қатынас дағдыларын, тамақтану мәдениетін қалыптастыруды қамтамасыз етеді; білім алушылар, тәрбиеленушілер, педагогтер және басқа да қызметкерлер арасында сыбайлас жемқорлыққа қарсы мәдениетті, академиялық адалдық қағидаттарын қалыптастырады.

Біліктілік талаптары:

тиісті бейін бойынша жоғары және (немесе) жоғары оқу орнынан кейінгі педагогикалық немесе өзге де кәсіптік білімі немесе педагогикалық қайта даярлаудан өткенін растайтын құжаты, педагогикалық жұмыс өтілі кемінде 3 жыл болуы; және (немесе) білім беру ұйымының «үшінші біліктілік санатындағы басшының орынбасары» немесе «екінші біліктілік санатындағы басшының орынбасары», немесе «бірінші біліктілік санатындағы басшының орынбасары» біліктілік санатының болуы не «педагог-сарапшы» біліктілігінің немесе «педагог-зерттеуші», немесе «педагог-шебер» санатының болуы.

МҰҒАЛІМ

мемлекеттік жалпыға міндетті білім беру стандартына сәйкес оқытылатын пәннің ерекшеліктерін ескере отырып, білім алушыларды оқыту мен тәрбиелеуді жүзеге асырады;

білім алушы мен тәрбиеленушінің жалпы мәдениетін қалыптастыруға және оның әлеуметтенуіне ықпал етеді, білім алушылардың жеке қабілеттерін анықтайды және олардың дамуына ықпал етеді;

білім алушыда педагогке құрметпен қарауды тәрбиелейді, педагогке аты-жөнімен сыпайы түрде немесе «мұғалім» деп тікелей жүгіну арқылы іскерлік қарым-қатынас пен сөйлеу этикетін сақтауға үйретеді;

білім алушылардың жеке қажеттіліктерін ескере отырып, жаңа тәсілдерді, оқытудың тиімді нысандарын, әдістері мен құралдарын пайдаланады;

пәндер бойынша қысқа мерзімді және орта мерзімді (күнтізбелік-тақырыптық) жоспарлар, бөлім бойынша жиынтық бағалау және тоқсан бойынша жиынтық бағалау тапсырмаларын құрастырады;

бөлім бойынша жиынтық бағалау және тоқсан бойынша жиынтық бағалау қорытындылары бойынша түсініктемелермен бірге талдау жүргізеді;

журналдарды (қағаз немесе электрондық) толтырады;

білім алушылар мен тәрбиеленушілердің тұлғалық, жүйелік-әрекеттік, пәндік нәтижелерге мемлекеттік жалпыға міндетті білім беру стандартында көзделген деңгейден төмен емес деңгейде қол жеткізуін қамтамасыз етеді;

оқу бағдарламаларын, оның ішінде ерекше білім беру қажеттіліктері бар білім алушыларға арналған бағдарламаларды әзірлеуге және орындауға қатысады, оларды оқу жоспары мен оқу процесінің кестесіне сәйкес толық көлемде іске асыруды қамтамасыз етеді;

білім алушылар мен тәрбиеленушілердің жеке қабілеттерін, қызығушылықтары мен бейімділіктерін зерттейді;

инклюзивті білім беруге жағдай жасайды;

ерекше білім беру қажеттіліктері бар білім алушының жеке қажеттіліктерін ескере отырып, оқу бағдарламаларын бейімдейді;

арнайы білім беру ұйымдарында оқытылатын пәннің ерекшеліктерін ескере отырып, білім алушылар мен тәрбиеленушілердің дамуындағы ауытқуларды барынша жеңуге бағытталған оқыту және тәрбиелеу жұмысын жүзеге асырады;

интерактивті оқу материалдары мен цифрлық білім беру ресурстарын пайдалана отырып, қашықтан оқыту форматындағы сабақтарды ұйымдастырады;

әдістемелік бірлестіктердің, мұғалімдер қауымдастығының, әдістемелік, педагогикалық кеңестердің, желілік қауымдастықтардың отырыстарына қатысады;

ата-аналарға арналған педагогикалық консилиумдарға қатысады;

ата-аналарға кеңес береді;

кәсіби құзыреттілігін арттырады;

қауіпсіздік және еңбекті қорғау, өрт қауіпсіздігі ережелерін сақтайды;

білім беру процесі кезеңінде білім алушылардың өмірі мен денсаулығын қорғауды қамтамасыз етеді;

ата-аналармен немесе олардың орнын алмастыратын тұлғалармен ынтымақтастық орнатады;

тізбесі білім беру саласындағы уәкілетті орган бекіткен құжаттарды толтырады;

білім алушылар мен тәрбиеленушілер арасында сыбайлас жемқорлыққа қарсы мәдениетті, академиялық адалдық қағидаттарын қалыптастырады.

Білім беру ұйымдарының бірінші басшыларын және педагогтерін лауазымдарға тағайындау, лауазымдардан босату қағидаларын бекіту туралы – «Әділет» АҚЖ

https://adilet.zan.kz/kaz/docs/V2500035900

Үзінді:

113. Конкурсқа қатысуға ниет білдірген тұлға хабарландыруда көрсетілген құжаттарды қабылдау мерзімінде мынадай құжаттарды электрондық немесе қағаз түрінде жолдайды:

1) осы Қағидаларға 3-қосымшаға сәйкес нысан бойынша қоса берілетін құжаттардың тізбесін көрсете отырып, конкурсқа қатысу туралы өтініш;

2) жеке басын куәландыратын құжат не сәйкестендіру үшін цифрлық құжаттар сервисінен электрондық құжат;

3) кадрларды есепке алу бойынша толтырылған жеке парақ (нақты тұратын мекенжайы және байланыс телефондары көрсетіледі – болған жағдайда);

4) үлгілік біліктілік сипаттамаларында бекітілген лауазымға қойылатын біліктілік талаптарына сәйкес білімі туралы құжаттардың көшірмелері;

5) еңбек қызметін растайтын құжаттың көшірмесі (болған жағдайда);

6) Қазақстан Республикасы Денсаулық сақтау министрінің міндетін атқарушысының 2020 жылғы 30 қазандағы № ҚР ДСМ-175/2020 бұйрығымен бекітілген 075/у нысанындағы денсаулық жағдайы туралы анықтама;

7) психикалық және мінез-құлықтық бұзылыстары бар науқастарға динамикалық бақылаудың жоқтығы туралы анықтама;

8) наркологиялық науқастарға динамикалық бақылаудың жоқтығы туралы анықтама;

9) сертификаттаудан өту нәтижелері туралы сертификат немесе қолданыстағы біліктілік санатының бар екендігін растайтын куәлік (болған жағдайда);

10) ағылшын тілі педагогі лауазымына үміткерлер үшін пән бойынша сертификаттаудан өту нәтижелері туралы сертификат немесе педагог-модератор, педагог-сарапшы, педагог-зерттеуші немесе педагог-шебер біліктілік санатының бар екендігін растайтын куәлік (болған жағдайда), не CELTA(CertificateinEnglishLanguageTeachingtoAdults. Cambridge) PASS A; DELTA (Diploma in English Language Teaching to Adults) Pass and above, немесе IELTS – 6,5 балл; TOEFL (Internet Based Test (iBT)) – 60–65 балл;

11) осы Қағидаларға 12, 13-қосымшаларға сәйкес нысан бойынша педагогтің бос немесе уақытша бос лауазымына кандидаттың толтырылған бағалау парағы.

12) жұмыс орнынан (педагог лауазымы бойынша), оқу орнынан ұсыным хат.

Конкурс мына мекенжайда өткізіледі:

100023, Қарағанды қаласы, 23-шағын аудан, 5/3 құрылыс, Қарағанды облысының білім басқармасы Қарағанды қаласының білім бөліміне қарасты «№25 жалпы білім беретін мектеп» коммуналдық мемлекеттік мекемесі, байланыс телефоны: 8(7212) 53-71-85, ұялы тел.: +7 701 564 6834, +7 777 606 8213, электрондық пошта: krg-oso-7498@bilim09.kz

Конкурсқа қатысу үшін құжаттарды қабылдау жеті жұмыс күні ішінде жүзеге асырылады.

Құжаттарды қабылдау сағат 09:00-ден 18:00-ге дейін, түскі үзіліс 13:00-ден 14:00-ге дейін жүргізіледі.

Құжаттарды қабылдаудың басталу күні мен уақыты: 05.10.2026 ж., 09:00–18:00.

Құжаттарды қабылдаудың аяқталу күні мен уақыты: 13.10.2026 ж., 09:00–18:00.

Құжаттарды қарау: 14.10.2026 ж. – 16.10.2026 ж.

Құжаттарды қабылдаудың басталу күні мен уақыты: 03.09.2026 ж., 09:00–18:00.

Құжаттарды қабылдаудың аяқталу күні мен уақыты: 11.09.2026 ж., 09:00–18:00.

Құжаттарды қарау: 14.09.2026 ж. – 18.08.2026 ж.

Құжаттарды қабылдаудың басталу күні мен уақыты: 19.08.2026 ж., 09:00–18:00.

Құжаттарды қабылдаудың аяқталу күні мен уақыты: 27.08.2026 ж., 09:00–18:00.

Құжаттарды қарау: 28.08.2026 ж. – 02.09.2026 ж.

Құжаттарды қабылдаудың басталу күні мен уақыты: 03.08.2026 ж., 09:00–18:00.

Құжаттарды қабылдаудың аяқталу күні мен уақыты: 11.08.2026 ж., 09:00–18:00.

Құжаттарды қарау: 14.08.2026 ж. – 18.08.2026 ж.

Құжаттарды қабылдаудың басталу күні мен уақыты: 16.07.2026 ж., 09:00–18:00.

Құжаттарды қабылдаудың аяқталу күні мен уақыты: 24.07.2026 ж., 09:00–18:00.

Құжаттарды қарау: 27.07.2026 ж. – 31.07.2026 ж.