«№25 жалпы білім беру мектебі» КММ-де

2023-2024 оқу жылындағы біртұтас тәрбие

жұмысының І жартыжылдық есебі

            2023-2024 оқу жылы бойынша Біртұтас тәрбие бағдарламасы бойынша жылдық жоспар құрылып іс шаралар өткізілді.

Жалпыазаматтық және ұлттық құндылықтарды бойына сіңірген ұрпақ тәрбиелеу. Біртұтас тәрбие бағдарламасы  ұлттық адами құндылықтарға негізделген.

Тәрбие мақсаты:жалпыадамзаттық және ұлттық құндылықтарды бойына сіңірген еңбекқор, адал, саналы, жасампаз азаматты тәрбиелеу.

Міндеттері:

• ата-ананың өсиетін тыңдауға, перзенттік парызын түсінуге,  отбасы татулығы мен берекесін қадірлеуге тәрбиелеу;
• ұлттық мұраны қастерлеуге; қазақ тілін, мемлекеттік рәміздерді құрметтеуге, татулық, келісім, ынтымақ және ел бірлігін сақтауға, отаншылдық пен мемлекетшілдікке тәрбиелеу;
• жақсылыққа, игілікке бой түзеуге, абыройлы болуға, ар-ұждан, намыс, жауапкершілік, мейірімділік, қамқорлық пен әділдік қасиеттерін жоғары ұстауға баулу және құқықтық мәдениетін қалыптастыру;
• денсаулықты қадірлеуге, салауатты өмір салтын ұстануға, ой тазалығына және эмоционалды тұрақтылыққа баулу;
• табиғатқа, табиғи мұраға ұқыптылықпен қарауға және табиғи ресурстарды үнемді әрі тиімді қолдануға тәрбиелеу және еңбекқорлыққа баулу.

Бүгінгі өскелең ұрпақ тәрбиесі еліміздің болашақтағы жарқын келбетін айшықтайды. Құндылық адамның өмірлік ұстанымына, таңдауына, шешім қабылдауына ұстын болатын көзқарастар жүйесін қалыптастыруға ықпал етеді, оның іс-әрекетін, мінез-құлқын анықтайды.

Әдептілік, әділеттілік, мейірімділік, адалдық, отаншылдық, қамқорлық, жауапкершілік, еңбекқорлық, бірлік, ризашылық, бауырмашылдық, ұлттық мұра мен қазақ тілін қастерлеу, қоғам игілігіне қызмет ету, салауатты өмір салтын ұстану секілді қасиеттерді қалыптастыруға тұғыр болатын ұлттық мүдде, ар-ұят, талап құндылықтарын дарыту қажет.

Ұлттық мүдде құндылығы Қазақстанның  мемлекеттілігін нығайтуға атсалысуға, оңтайлы имиджін қалыптастыруға, еліміздің мүддесіне, қоғам игілігіне адал қызмет етуге, ұлттық мұраға ұқыптылықпен қарауға және оны дәріптеуге, қазақ тілінің аясын кеңейтуге үлес қосатын, құқықтық, экологиялық мәдениеті жоғары ұрпақ  тәрбиелеуге тұғыр болады.

Ұлттық мүдде құндылығын дарыту арқылы отаншыл, мемлекетшіл және намысшыл, мемлекеттік  рәміздерді қадірлейтін, елінің тарихын құрметтейтін, ұлттық мұраны, мәдениетті дәріптейтін, құқықтық және экологиялық мәдениеті жоғары тұлға тәрбиелеуді көздейді.

Ар-ұят құндылығы этикалық принциптерді қалыптастыруға, өзін және өзгелерді құрметтеуге, өз ісіне жауапкершілікпен қарауға, мінез-құлықты нығайтуға және жауапты азамат болуға ынталандырады және мейірімділікке, еңбекқорлыққа баулуды көздейді. Өйткені білім де, ғылым да ерен еңбекпен келеді. Еңбек адам өмірінде маңызды. Адамның рухани дамуына, кәсіби әлеуетінің жетілуіне, қоғамдық сананы жаңғыртуға, ел экономикасын көркейтуге тұғыр болады. Ар-ұят құндылығы академиялық адалдық қағидатын қолдау, адал еңбекті құрметтеу, сөзіне берік, ісіне адал болу, отбасының, өз ортасының абыройын асыру, әдеп нормаларын ұстану, шешім қабылдай білу және жауапкершілікті сезіну, достарына, сыныптастарына, отбасы мүшелеріне қамқор болу, өзін отбасының, сыныптың, мектептің, қоғамның, Отанның бір мүшесі екенін сезіну, мейірімділік таныту арқылы қалыптасады.

Ар-ұят құндылығы арқылы адалдықты жоғары бағалайтын, сөзіне берік, ісіне жауапкершілік танытатын, ата-анасына сүйіспеншілікпен қарайтын, достарын, сыныптастарын сыйлайтын, кішіге ізет, үлкенге құрмет көрсететін тұлға тәрбиелеуді көздейді.

Талап құндылығы өскелең ұрпақ бойында мәдениеттілік, табандылық, үнемшілдік, қанағат, ерік-жігер, таза ой мен адал ниетке тұғыр болады. Сол себепті талап құндылығы білім алушылардың сыни және креативті ойлау, жеке және командамен жұмыс істей білу, білуге, жаңаны тануға құштар болу, физикалық белсенді болу,  салауатты өмір салтын ұстану, технологиялық және цифрлық дағдыларды ілгерілету, дұрыс қарым-қатынас орната білу, уақыт пен қаржыны тиімді жоспарлау дағдыларын дамытуға бағытталады. Талап құндылығы құндылығы арқылы жан мен тән тазалығын сақтайтын, дұрыс тамақтану мәдениетін түсінетін, қоршаған орта тазалығын сақтайтын, ақпараттық, медиа және қаржылық сауаттылығы жоғары, ізденімпаз, жасампаз тұлға тәрбиелеуді көздейді.

Жоспар  бойынша төмендегі шаралар өткізілді:

            01.09.2023 жылы «Мейірім мекеніне айналған мектебім» атты алғашқы қоңырау, білім күніне арналған «Білімге ұмтылу, еңбек сүйгіштік және Отаншылдық», «Менің сүйікті мектебім», «Менің алғашқы ұстазым» тақырыптарында сынып сағаттары өткізілді.          

            05.09.2023 жылы А.Байтұрсын күніне орай 1-4 сыныптар арасында сынып сағаттары, 5-8 сыныптарда  диктант жазылып, 9-11 сыныптарда сыныптан тыс әртүрлі іс-шаралар өткізілді.        

            08.09.2023 жылы 9 айға 9 іс-шара жобасы аясында «Дене сергіту» челленджі өткізілді және мектеп әкімшілігі мен пән мұғалімдерінің қатысуымен жалпы мектепішілік ата-аналар жиналысы өткізілді.

Күн тәртібінде:

- жаңа оқу жылының басталуы;

- мектеп формасы;

- жұмыс тәртібі, мектеп Жарғысы;

- құқықбұзушылық, басқа да өзекті мәселелер талқыланды.

Жиналыс барысында ата-аналар өздерінің көкейінде жүрген барлық сұрақтарға жауап алды.

            12.09.2023 жылы «Ұлы даланың – ұлтаралық тілі» тақырыбында

4 сынып оқушылары  арасында Тілдер күніне арналған өлдеңдер сайысы және 9 сыныптар арасында Лингвистикалық турнир, «Сөз зерде» тақырыбында әртүрлі сыныптар арасында инттелектуалдық ойын түрлері  өткізілді.

            11.09-14.09. күндер аралығында отбасы және денсаулық күніне арналған іс-шаралар жоспары құрылып, бекітілді. Аталған жоспар негізінде мектебімізде 1-11 сыныптар арасында сынып сағаттар, «Отбасы бақыты – ел бақыты» атты суреттер байқауы, көңілді эстафеталар, шахмат, тоғызқұмалақ сайыстары, шығармалар сайысы және кітап көрмесі ұйымдастырылды.

            29.09.2023 жылы мектебімізде білім беру ұйымдарында нашақорлықтың алдын алу, есірткіге қарсы күрес тақырыбында, полиция қызметкерлерінің, денсаулық сақтау өкілдерінің қатысуымен ата-аналар және оқушылар қауымдастығымен кездесу өткізілді.

            Кездесуде, Қарағанды облыстық полиция департаменті есірткі қылмысына қарсы іс-қимыл басқармасының аға жедел уәкілі майор Сәдуақасов Нұрым Бегайұлы; ЖИТС орталығы профилактикалық жұмыс бөлімінің меңгерушісі Нағима Таштанқызы; Киров ПБ ЖПҚБ ЮПТ инспекторы Уркинбаева Ж.Д. оқушылар мен ата-аналарға түсіндірме жұмыстарын жүргізді.

            Қарттар күніне арналған жоспар құрылып 25.09.- 03.10 күндері аралығында «Қазыналы қарттар» атты сынып сағаттары, «Мейірім почтасы» видеоқұттықтаулар, «Менің атам және әжем» тақырыбында шығармалар байқаулары өткізілді.

            02.10.2023 жылы «Оқуға құштар мектеп» жобасы аясында «Бір отбасы – бір кітап» акциясы өткізілді.

            Ұстаздар күніне орай жоспар жасалынды, осы жоспар негізінде 02.10-06.10 күндері арасында әртүрлі іс-шаралар ұйымдастырылып өткізілді.

            Қайырымдылық -халқымыздың ең ізгі қасиеттерінің бірі. 11 қазан күні мектеп мұғалімдері және оқушылар мен ата-аналардың ұйымдастыруымен “Алтын күз!” атты қайырымдылық жәрмеңкесі өтті. Жәрмеңкеде мектеп оқушылары мен ата-аналар мектептің қайырымдылық ісіне үлкен үлес қосып, жақсы көңіл күй сыйлай білді. Өз қолдарынан дайындаған тағамдарды санитарлық талаптарды сақтай отырып сатты. Жәрмеңкеден түскен қаражат қайырымдылық көмек ретінде жұмсалды.

            Республика күнін мерекелеуге арналған жұмыс жоспары құрылып, бекітілді. Жоспар бойынша «Менің елім!», «Қазақстаным – мақтанышым!» атты сынып сағаттары, «Қырын елім – Қазақстаным!» бейнеқұттықтаулары, «Менің сүйікті Отаным!» суреттер байқауы өткізілді, «Жас қыран» біртұтас балалар ұйымына бастауыш сынып оқушылары қабылданды. «Қырын елім – Қазақстаным!» атты облыстық ән байқауында  9А сынып оқушысы Бекболат Аружан бас жүлдені жеңіп алды. Мемлекеттік рәміздерді құрметтеу, дәріптеу мақсатында мектебімізде оқушылар мен мектеп үжымы арасында ҚР Мемлекеттік гимні челленджі ұйымдастырылып өткізілді. Республика күніне арналған жалпы білім беру ұйымдарында 9-11 сынып оқушылары арасындағы қалалық пікірсайыс турниріне мектебіміздің  «Ақиқат» дебат  тобы қатысты. Топ спикерлері: Абдужаббар Амина, Дурмаханова Сымбат қарастырылған 7 тақырыптың мәселелері бойынша өз көзқарастарын ортаға салды. Турнир нәтижесінде «Ақиқат» тобы 1 орынды иеленді.

            13.11-13.12.2023 ж. аралығында «Алаш айлығы» жоспары құрылды және бекітілді. Жоспар негізінде «Оян ар мен адалдық», «Азаттық таңын аңсаған Алаш арыстары» тақырыптарында сынып сағаттары, көрмелер, видеоқойылымдар, дөңгелек үстелдер, викториналар, ашық сынып сағаттары, пікірсайыстар, танымдық сағаттар, квест ойындар, челлендждер, ұлттық ойын түрлері өткізілді.

            07.12-15.12.2023 жыл аралығында ҚР тәуелсіздік күніне арналған жоспары негізінде поэзия кеші, патриоттық әндер фестивалі, патриоттық сынып сағаттар, интеллектуалдық ойындар, ҚР ұлттарының өз тіліндегі құттықтаулары, ұлттық ойындар жарысы, «Болашаққа хат» атты республикалық челленджі, «Жас ұлан» жастар ұйымына 5 сынып оқушыларын қабылдау рәсімі, «Елімнің бақытын тербеткен - Тәуелсіздік» атты салтанатты концерттік бағдарлама өткізілді.

            «Қош келдің Жаңа жыл!» атты 1-11 сыныптар арасында жаңа жылдық іс-шаралар ұйымдастырылып өткізілді.

Ата-аналарды педагогикалық қолдау орталығының жоспары аясында мектеп пен отбасының өзара әрекеттесуі мақсатында «Адамдық атадан қалған мұра» тақырыбында отбасы құндылықтарын насихаттау сабақтары  өткізілді. Сабақтың мақсаты: ар-ұят құндылығын дәріптеу, отбасы туралы ұғымдарды кеңейту, оны сүйе білуге, отбасы игілігі үшін талмай еңбек етуге үйрету.

2023 жылдың 15 қарашасында жалпы мектепішілік ата-аналар жиналысы өтті.

Күн тәртібі мәлелелер бойынша:

- Мектеп психологтары «Отбасы құндылықтары», “Қатыгездік пен зорлық-зомбылықсыз балалық шақ” тақырыбында тренинг өткізді.

- Мектептің оқу-тәрбие ісі жөніндегі орынбасары қауіпсіздік және жол қозғалысы ережелерін сақтау бойынша нұсқаулықпен таныстырды.

- «Темекі шегу – адам денсаулығына төнетін ең маңызды қауіптердің бірі» тақырыбында мектеп дәрігері Бектурганова Назерке Бакытовна баяндама оқыды. Жиналыс барысында ата-аналар өздерін толғандырған барлық сұрақтарға жауап алды.

2023 жылдың 2 қарашасында 7-8 сынып ата-аналарына тренинг өткізілді. Тренинг тақырыбы: «Балалар мен жасөспірімдердегі ойынға тәуелділік және бала мен ата-ана қарым-қатынасы». Тренингтің мақсаты: балалардағы компьютерлік тәуелділіктің алдын алу және онымен күресу; ата-ана мен бала арасындағы достық қарым-қатынасты құру. Ата-аналар тақырыпты қызығушылықпен талқылады, сонымен қатар жеке және топтық тапсырмаларды орындады.

«Ата-аналарды педагогикалық қолдау орталығы» және даналар клубының мектеп пен отбасының өзара әрекеттесуі мақсатында «Әкелер мектебінің» тағы бір сабағы өтті.  6 «Е» сынып оқушысы Абай Адлеттің әкесі 52859 әскери бөлімінің рота командирінің тәрбие және әлеуметтік-құқықтық жұмыс жөніндегі орынбасары Ескенов Асет Абаевич сүңгуір жабдықтары бойынша оқушыларға таныстыру сабақ өткізді.

«Ата-аналарды педагогикалық қолдау орталығы» және даналар клубының мектеп пен отбасының өзара әрекеттесуі мақсатында «Аналар мектебінің» кезекті сабағы өтті. 5 «Б» сыныбының ата-анасы Харитонова Ирина Анатольевна қыз балаларға тәтті тоқаштарды әрлендіру, безендіру тәсілдерін көрсетті.

Ата-аналарды педагогикалық қолдау орталығы» және даналар клубының мектеп пен отбасының өзара әрекеттесуі мақсатында «Әжелер мектебінің» сабағы өтті. 5 «Г» сыныбының ата-анасы Душаева Лейла Сайдахметовна қыз балалар мен мектеп ұжымына тоқу қол өнері бойынша сабақ өткізді.

7 желтоқсан - Ақсақалдар және бата беру күні қарсаңында мектеп оқушыларының ата-әжелері, «Өсиет» аталар мектебінің жетекшісі Н.Б.Нуртазиннің қолдауымен, бата берді.

«Ата-аналарды педагогикалық қолдау орталығы» және «Даналар клубының» мектеп пен отбасының өзара әрекеттесуі мақсатында «Мейірім» аналар мектебінің кезекті шеберлік сағаты өтті. 6 «В» сыныбының оқушысы Гурина Алинаның анасы Бейлер Анастасия Игоревна оқушыларымен бірге Жаңа жылдық майшамдар және гүл шоқтарын жасады.

Құқық бұзушылықтың алдын алу бойынша өткізілген іс шаралар:

Мектебіміздің мамандары ПБ-нің қызметкерлерімен бірлесіп құқық бұзушылықтың алдын алуға байланысты қоғамдық рейдттер уақытылы жүргізіледі.

Мақсаты: Түнгі уақытта кәмелеттік жасқа толмаған жасөспірімдерді заңды өкілдерінсіз көшелерде жүрмеуін, сауда – саттық дүкендерде алкогольдік пен темекі өнімдерін 21-жасқа толмаған азаматтарға саттырмауды қадағалау.

Кәмелетке толмағандар арасындағы құқық бұзушылықтардың алдын алу мақсатында 5-11 сынып оқушылары арасында  ҚР БҒМ 25.05.2021 жылғы № 235 «Білім беру ұйымдарында және олардың аумақтарында пайдалану мен енгізуге тыйым салынған заттардың және сол заттардың тізбесін бекіту туралы» бұйрығымен танысты.

Өскелең ұрпақтың құқықтық және сыбайлас жемқорлыққа қарсы мәдениетін қалыптастыру барысында Республика күніне арналған сыбайлас жемқорлыққа қарсы “Бұл палата Сыбайлас жемқорлықты болдырмаудың жолдарын ұсынады” тақырыбында пікірталас турнирі болып өтті. Турнирге “Ақиқат”,”Әділет” командалары қатысты. Өз ойларын ортаға салған топ спикерлері сыбайлас жемқорлықтың себептерін анықтап, мәселенің шешу жолдарын көрсете білді.

“Өнегелі өмір” жобасы аясында мектебіміздің 10-11 сынып оқушыларымен “Сыбайлас жемқорлыққа қарсы” тақырыбы бойынша Қарағанды қаласының Киров аудандық тергеу полиция бөлімінің бастығы Р. М. Мусабековпен TEDX форматта кездесу ұйымдастырылды. Өскелең ұрпаққа адалдық, парасаттылық, әділдік, сенім сияқты негізі құндылықтар кеңінен насихатталды

Мектеп психологы оқушылар арасында белең алып келе жатқан буллинг тақырыбында сөз етіп, оқушыларды жақсы қарым-қатынаста болуға шақырды. Мектеп медбикесі нашақорлықтың алдын алу мақсатында оқушыларға зиянды әдеттер туралы түсінік жұмысын жүргізді. Мектеп психологы, әлеуметтік педагог оқушылармен құқықбұзушылықтың алдын алу, ұрлыққа жол бермеу мақсатында жұмыстар жүргізіліп, пікір алмасу өтті. Бастауыш сынып оқушыларымен «Абайлаңыз балалар!» тақырыбында жолда жүру ережелерін есте сақтауға, жол ережесін бұзбауға тәрбиелеу мақсатында тәрбие сағаттары өткізілді.

2023-2024 оқу жылында жасөспірімдердің мінез-құлқында кездесетін келеңсіз жағдайлардың алдын алу, түзету-дамыту жұмыстарын жүргізу, өз-өзіне сенімділіктерін арттыру мақсатында жылдық жоспар құрылып жұмыстар өткізілді.

     «Сенім жәшігі» мен «Сенім телефоны» төменгі қабатта орналасқан. Апта сайын акт жасалып, журнал толтырып отырылады. Келіп түскен өтініш хаттар болған жоқ.

     "Жас ұлан және өзін өзі басқару" ұйымының белсенді мүшелері арасында "Нашақорлыққа жол жоқ" атты дөңгелек үстел өткізілді. Дөңгелек үстел сұхбат, әңгімелесу, пікірталас арқылы өтті.Оқушылар темекі, арақ, есірткі ұғымы туралы жалпы ойларын ортаға салды. Темекінің зияны туралы бейнебаян көрсетілді. Бейнебаян бойынша оқушылар өз ойларын ортаға салды. Дөңгелек үстел мақсаты: оқушыларға темекі, арақ, есірткі, ЖҚТБ – ның қазіргі таңдағы адамзаттың басты проблемасы екенін,оның зиянды жақтарын түсіндіру, ғасыр дертіне айналып отырған кеселдердің залалын жан – жақты меңгерту,зиянды заттардан барынша аулақ болуға шақыру, сана – сезімдерін дамыта түсу.

            Дүниежүзілік балалар күніне арналған іс-шаралар жоспары құрылып, бекітілді. Жоспар аясында «Бала құқығы – асыл қазына» тақырыбында эссе байқауы, «Күндей күлген анамның баласы болып қаламын» атты суреттер байқауы,  5-9-сынып оқушыларымен  өмірге деген қызығушылықтарын, белсенділіктерін арттыру мақсатында «Мен сені сүйемін өмір» атты тренинг өткізілді. Оқушылар өз ойларымен бөлісті.

"Қатігездік пен зорлық-зомбылықсыз балалық шақ" атты апталықтың жоспарына сай «Жақсылық жасап жарысайық» тақырыбында 8 сыныптар арасында дөңгелек үстел, «Толеранттылықтың 9 қадамы» челленджі ұйымдастырылды.

05.12.2023 жылы облыстық Білім басқармасының жұмыс жоспарына сәйкес мектебіміздің  базасында «Отбасы-тәрбиенің алтын бесігі" атты облыстық форум өтті.
Форумға Қарағанды облысының ОӘО әдіскері У.Т.Дауыпбаева, Қарағанды қаласы Білім бөлімінің әдіскері У.Н.Исатаева, мектеп директоры С.Ж.Ескеева, директордың ОТЖ орынбасары Т.Я.Матюхина, мектептердің инклюзивті білім беру мамандары, мемлекеттік емес ұйым өкілдері, ата-аналар қауымы қатысты.

Мектептің ерекше білім беруді қажет ететін оқушылары мен мұғалімдері «Біртұтас тәрбие» бағдарламасын жүзеге асыруда қонақтардың назарларына өлең оқып, ән айтып, би билеп, қазақ халық ертегілерін сахналап, ұлттық ойындармен және халықтық қолданбалы өнер көрмесі ұсынылып, үлкен концерттік бағдарлама көрсетілді.

Жеке оқушылармен оның ішінде талантты және дарынды балаларға күрделі тапсырмалар берілді. Ата- аналармен тоқсан соңында оқушылардың оқу үлгерімі, кездескен қиындықтар және оны шешу жолдарын қарастыру мақсатында жиналыстар өткізілді. Кейбір ата-аналармен оқушылардың білімі мен тәрбиесі төңірегінде жеке және топтық кездесулер өтті.

Нәтиже: Оқушылардың бойынан жүргізілген әрбір тәрбие сағаттары мен іс –шаралар арқылы   Отанға, мектепке, отбасына деген сүйіспеншіліктері оянды. Адамгершілік, имандылық, үлкенді сыйлау, кішіге көмек қолын созу, көпшілік ортада, жолда өзін қалай ұстау керек екенін үйренді. Оны оқушылардың сабаққа қызығушылықпен қатысуынан байқауға болады.