Күзгі демалыс уақытында қарашаның 1де 9 сынып оқушылары Қарағанды тау-кен индустриялдық колледжіне барды.
Колледжге бару мақсаты: Оқу орны жайында мәлімет алу; оқытушылармен жүздесіп, мамандықтар туралы түсініктеме жүргізу және кеңестерін тыңдау. Әңгімелесу барысында мектеп оқушылары колледждің жоғары курс студенттерімен танысып, мамандықтар жайында мәліметтер алды. Оқытушылар мен жоғары курс студенттері іс жүзінде қандай жағдайда және қандай тренажерларда өздерінің болашақ мамандықтарының негіздерін игеретінін көрсетті Оқу орнының мұражайын көрді.Оқытушылар оқушыларға қауіпсіздік ережелерін түсіндіріп, арнайы киіммен колледж ішіндегі шахтаға түсірді. Оқушылар жағымды әсермен қайтты.
Мектебіміздің 9,11 сынып оқушылары ESTELCENTRE KARAGANDA сән мектебіне барып, "Шаштараз ісі" мамандығының қыр - сырымен танысты. Мамандықпен танысу сабағында олар шаш күтімі, шашты сәндеу, шаш қию, шашты бояу туралы ақпараттар алды және оларды тәжірибе жүзінде жасап көрді. Оқушыларға осы орталықта өткізген уақыт пайдалы әрі қызықты болды. Шаштараз мамандығына қызығушылық танытқан оқушылар бұдан кейін де осы сән мектебімен бірлесе жұмыс атқармақ.
Бүгін Е.Бөкетов атындағы Қарағанды университетінде мектеп бітірушілерге арналған ашық есік күні өтті. Аталмыш шараға 11 сынып оқушылары барып, түрлі мамандық түрлерімен танысты. Осындай іс-шаралар оларға болашақта дұрыс мамандық таңдауға көмектеседі.
Оқушылардың мамандық таңдауына бағыт-бағдар беру мақсатында ұйымдастырылған жұмыстар жалғасуда.
Бүгін 11 сынып оқушылары Әбілқас Сағынов атындағы Қарағанды Техникалық университетінде өткен ашық есік күніне барды. Мұнда оларға университет туралы толық ақпарат жан-жақты берілді. Оқушылар осы ЖООның барлық факультеттерінің тыныс-тіршілігімен танысты.
Оқушылар арасында кәсіби сынамалар өткізу мақсатында бүгін 9 сынып оқушылары Қарағанды агротехникалық колледжінің мамандықтары бойынша экскурсия жасады. Мұнда олар "автомобиль дело", "Трактор", "дәнекерлеуші", "кондитер-аспаз"мамандықтары бойынша құнды ақпарат алды. Бұл іс-шаралар студенттердің болашақта олар үшін ең пайдалы және маңызды мамандықтарды таңдауына ықпал ететіні сөзсіз.
•Еңселі елдің ертеңі – білімімен биікті бағындыратын, өнерімен әлемге танылатын жас ұрпақ. 2021 жылдың 3 қарашасында 9-сынып оқушылары кәсіптік бағдар алу мақсатында «Қарағанды агротехникалық» колледжіне барды. Оқушылар колледждің материалдық-техникалық базасымен толық танысу барысында, өздерін қызықтырған сұрақтарын қойып, толық жауаптар алды. Осылайша 9-сынып оқушылары мамандық таңдауда алғашқы қадамдарын бастады.
Жаңа сапар-Қарағанды қ. МГТК колледжі
