Мақсаты:

25 ЖББОМ-тегі өзін-өзі тану пәнін өткізу ерекшеліктерін таныстыру

1. Семинарды ҚББ өзін өзі-тану бойынша әдіскері Хасенова Г.Т.ашты. Өзінің баяндамасында ҚР бойынша өзін-өзі тану пәнінің берілу жағдайына тоқталды.

2. Мектеп директорының ғылыми-әдістемелік жұмыстары бойынша орынбасары Здатченко И.Р. мектептегі өзін-өзі тану мұғалімдерін ( Бакмаганбетову Б.Н. және  Полат Г.Б.) семинарға қатысушылармен  таныстырды

3.Орта және жоғары буындағы қазақ сыныптарының өзін-өзі тану мұғалімі Полат Г.Б. семинарға қатысушыларға «Өзін-өзі тану» тақырыбында философиялық мағынасы бар мультфильм ұсынды.

4. Орыс сыныптарының өзін-өзі тану мұғалімі Бакмаганбетова Б.Н. «Жоғары сыныптардағы өзін-өзі тану» тақырыбында синквейн өткізді. Семинарға қатысушы ұстаздар берілген жаттығуларды орындау арқылы өздеріне қажетті қызықты мәліметтер алып, білімдерін толықтыра түсті.

5.Семинарға қатысушылар ашық сабақтарға қатысты.

Б.Н.Бакмаганбетованың «Өзара татулық» тақырыбындағы ашық сабағы

Сабақтың мақсаты: оқушылырдың адамдық санаттары мен сезімдерінің қалыптасуы туралы ой електерін ұлғайту.

Міндеттері:

1.Өз өзімен және қоршаған ортадағы адамдармен қарым қатынастың елеулілігін ашу

2. Өзінің эмоциясы мен сезімін басқара білу машығын дамыту

3. Өзі және айналаңдағы адамдармен қарым- қатынаста  шыншыл болуға тәрбиелеу.

Сабақ құрылымы өте жақсы құрылған, сабақтың әр кезеңдері арасында тығыз байланыс орнатылған. Оқушылардың назарын сабаққа аудару мақсатында «Ар-ұят» тақырыбындағы  жаттығу жұмысы өтті. Жасалған ар-ұят туралы жаттығу оқушылардың бір-біріне деген достық қарым- қатынастарын нығайтуға көмегін тигізетіні сөзсіз. «Ар-ұятыңды суретте» атты жаттығу жұмысында оқушылар әр адамның   іс әрекеті арқылы қаншалықты  ар -ұятты екендігін  байқауға болатындығын түсінді. Оқулықтан ұлы , атақты адамдардың ар-ұят туралы айтылғын дана сөздері оқушылардың білімдерін толықтыра түсуге септігін тигізді және айналамыздағы адамдармен үнемі тату, достық қарым қатынаста болуға шақырды деп айтуға болады.

«Ар –ұят туралы» кестемен жұмыс оқушылардың алған білімдерін толықтыра түсті.Ал, «Метафоралар» жаттығуы оқушылардың ойлау қабілеттерін белсендіру , өмірде болып жатқан әр түрлі  жағдайларға түсіністікпен  қарау керектігін түсінуге көмегін тигізеді деп айтуға болады.

Сабақ Б.Акуджаваның «Ар – ұят, қайырымдылық және абзалдық» туралы жазылған өлең-роликпен аяқталды. Осылайша, сабақ өз алдына қойған мақсаты мен міндетіне жетті. Сабақ барысындағы ойындар мен жаттығулар 10-сынып оқушыларының жас ерекшеліктеріне сәйкес және оқушылардың қызығушылықтарын тудыра білді.

6.ҚББ-нің  әдіскері ХасеноваГ.Т. және семинарға қатысушы қонақтар  Б.Н. Бакмаганбетованың  сабағын талдау кезінде,сабақтың ұнамды қырларына тоқталды және сабақ барысындағы әсіресе психологиялық талдау элементтерін атап көрсетті.

7.Бакмаганбетова Б.Н. өз сабақтарында қолданып жүрген әдіс-тәсілдері туралы әңгімеледі. «Қараторғай» туралы видеокөрсетілім арқылы қиын жағдайларды дұрыс шешу жолдарын көрсетті.

8.Полат Г.Б. «Қорғаныш тұмары»тақырыбында мысал жаттығу көрсетті. Тұмармен жаттығу жасау арқылы қатысушы қонақтар өдерінің жағымды знергияларын толықтыра түсті. Жаттығу соңында тұмарларды семинарға қатысушыларға сыйға тартты.

9.Бакмаганбетова Б.Н. семинарға қатысушы қонақтармен «Сандық» тақырыбындағы жаттығу ойынын жүргізді. Бұл жаттығу адам бойындағы күйзеліс пен шаршағандықтан арылудың бір жолы екендігін атап өтті.

10. «5 саусақ әдісі» көмегімен жүргізілген семинардың қорытынды рефлекция бөлімі ,  қонақтарға семинардың ұнағандығы және өздеріне қажетті өте көп мәліметтер алғандары туралы ойларымен аяқталды. Әдіскер Хасенова Г.Т.семинардың жоғары деңгейде өткендігі және ұстаздардың біліктіліктері мен семинарға дайындықтарының да жоғары деңгейде болғандығын айтты.

№25 ЖББОМ-те өткен жоғары сыныптардағы өзін-өзі тану пәнінің өткізілу ерекшелігі тақырыбындағы  қалалық семинар өз мақсатына жетті деп айтуға болады. ҚББ әдіскері және қатысушы қонақтар  семинардың ұйымдастырылуы және өткізілуі жоғары деңгейде  деп баға берді.

Бакмаганбетова Б.Н.