№25 жалпы білім беру орта мектебінде «ҚР Тілдер туралы» Заңының орындалу барысы жайында ақпарат

2013-2014 оқу жылы

       

 Мемлекеттің басты құндылығының бірі-оның тілі. Қазақстан Республикасы – татулық табыстырып, бірлік жарастырған көп ұлтты мемлекет. 

         

2013-2014 оқу жылында «ҚР Тілдер туралы» Заңының орындалу мақсатында мектепте төмендегідей іс-шаралар жүргізіліп жатыр:

2013-2014 оқу жылында «ҚР Тілдер туралы» Заңын орындаудың мектепішілік жоспары құрылып бекітілген; Мектепішілік жоспар бойынша әр дүйсенбі сайын саптық жиындарда Қазақстан Республикасының Мемлекеттік әнұраны мемлекеттік тілде орындалады; Іс-құжаттарды екі тілде жүргізу жалғастырылып жатыр, қазақ тіліндегі құжаттарға мектептің аудармашысы - Темірғалиева Асия Галимовна жауапты; Мектеп ішінің безендірілуі екі тілде жасалған, сыныптардың рәсімделуінің талаптарға сайлығы тексеріліп, екі тілді ұстану ұсынылды; Мектептің 1-11 орыс сыныптарында қазақ тілі мен әдебиеті талапқа сай қазақ тілінде оқытылады; Мектепішілік және сыныптан тыс шаралар «ҚР Тілдер туралы» Заңына сәйкес екі тілде өткізіледі. Қыркүйек айында мектепте ҚР Тілдер мерекесі аталып өтті.

    

Мерекенің басты мақсаты: ана тілінің маңызы мен қоғамдағы орнын, жас ұрпақтың ана тілінің қадір-қасиетін түсіне білуін, балаларды туған тілін сүюге, оны қорғауға және қамқорлық жасауға тәрбелеу. Қазақстанда тұрып жатқан өзге ұлт өкілдерінің Қазақстан халқына деген сыйластығын, ұлттық қарым-қатынасын нығайту.

  Қазан айының 10-31 аралығында қазақ тілі мен қазақ әдебиеті айлығы өтті.

       Айлық барысында қазақ тілі мен әдебиет мұғалімдері қазақ, орыс сыныптарында ашық сабақтар мен сыныптан тыс шаралар өткізді. Өткізілген сабақтардың тиімділігі мен білім сапасын көтерудегі бағытталған ізденістік және әдістемелік жұмыстарын мұғалімдер сабақ барысында көрсете білді.

Қараша айының     күндері мектепішілік олимпиада өтті.  Қазақ тілі мен қазақ әдебиеті пәні бойынша 5-7 сыныптар аралығында тапсырмаларды мұғалімдердің өздері дайындап шығарды, 8-11 сыныптар аралығындағы тапсырмалар арнайы ҚББ–нен келді. І орынға ие болған оқушылар қалалық олимпиадаға жолдама алды және грамоталармен марапатталынды.

Жыл сайын желтоқсан айында «КАТЕV» Халықаралық қоры тарапынан ұйымдастырылған 7-11 сыныптардағы ұлты қазақ емес оқушылары арасында «Жарқын болашақ» олимпиадасы өтеді. Бұл олимпиадаға жыл сайын қазақ тілі пәні мұғалімдері Саметова Б.З., Исаева М.М. оқушыларды берілген ереже талаптарына сәйкес  дайындап қатыстырады.

           Былтырғы оқу жылында қалалық ғылыми-зерттеушілік байқауалар жобасына мектебіміздің 9 сынып оқушысы Битиева Ольга, ән сайысына 11 сынып оқушысы Акиньшина Валерия жолдама алды. Қалалық байқауда Битиева Ольга «Қазақ тіліндегі дауыссыз дыбыстардың ерекшелігі» атты ғылыми-зерттеушілік жұмысын қорғап, ІІ орынды иеленді.

Қазіргі таңда елімізде мемлекеттік тілді дамытуға, өзге тілді ұлт өкілдерінің қазақ тілін үйренуіне үлкен көңіл бөлініп отыр. Мектебімізде ұлты қазақ емес ұжым мүшелеріне қазақ тілі оқытылады, 2013-2014 оқу жылының басында ««ҚР Тілдер туралы» Заңын орындау мақсатында бұйрық шығарылып, бұйрыққа ұжым мүшелері қол қойды. Қазақ тілін оқытудың жоспары құрылып бекітілді. Қазақ тілін оқытып үйрету үшін мұғалімдер топтары құрылды. Топ жетекшілері тыңдаушыларға әр түрлі жұмыс түрлерін жүргізді. Қазақ тілі сабақтары информатика кабинеттерінде интерактивті тақтаның көмегімен жүргізілді.   Қазақ тілін үйренуші мұғалімдердің мемлекеттік тілді үйренуге деген талпыныстарының жақсы деңгейде екенін көріп байқадық. Бұған айғақ ретінде,  2012-13 оқу жылында аудандық ересектер арасында өткізілген байқауға бастауыш сынып мұғалімі Гайнтдинова Г.Д. қатысып, қазақ тілі бойынша өз білімін көрсетіп,  3 орынды иеленген еді. Биылғы жылы Тілдер дамыту орталығының ұйымдастыруымен өткізілген облыстық байқауға қатысып, алғыс хатпен марапатталды. Сәуір айында мектепте жыл сайын дәстүрге айналған «Абай оқулары» өткізіледі. Былтырғы жылы Вольштейн Ю. қалалық «Абай оқуларында» мәнерлеп оқу сайысынан 3 орынды иеленді. Мамыр айында ғылыми-практикалық конференция өтеді. Мұғалімдер мен оқушылар дайындық үстінде. Жоспар бойынша жас мамандармен жұмыстар жүргізіліп жатыр.

Қорыта келгенде :

Ұлттық тіл- мәдениетіміздің іргетасы. Тіл-тарихи, мәдени құндылық. Тілді жасау және қалыптастыру-ұзақ уақытқа созылатын үрдіс. Тілдегі сөздер қоршаған ортадағы құбылыстың, заттық ұғымның атауын білдіреді. Қай тіл болсын қалыптасу, даму барысында әр түрлі жайларды басынан кешіреді. Тілдер де қиыншылықтарды басынан өткізеді. Сондай басқыншылардың, отарлаудың зардабын шегіп, езгіге ұшыраған, бірақ өз келбетін сақтап қалған тілдердің бірі - біздің ана тіліміз – қазақ тілі. Қазақ тілі тамыры тереңге кеткен араб, моңғол, орыс тілдерінің көлеңкесінде кетпей, еңсесін түсірмей, өміршеңдігін, ұзақ өмір сүретіндігін танытты. Қазақ тілі – үлкен тіршілік әлемі. Ол –қазақ деген халықтың тарихымен ұштасып жатыр. Қазақ тілі –талай ғасырды басынан кешірген тіл. Тәуелсіздік алған заманда қазақ тілін одан әрі дамытып, асқақтату, өзге ұлт өкілдерін мемлекеттік тілде сөйлеуге үйрету біздің – басты міндетіміз.

 

 

   Директордың ОТЖ жөніндегі орынбасары:   Акишева Г.С.