18-19 қыркүйекте Қарағанды қаласының орталық саябағы мен Н.Абдиров ат. Спорткомбинатында облыстық «Тұңғыш Президент тесті» байқауы өтті. Байқауға облыстан 17 топ қатысты. Президенттік тестті орындау үшін әртүрлі жас мөлшерінде ДЮСШ мен жалпы білім беретін мектеп оқушылары мен ересек адамдар және ардагерлер өз күштерін сынады.

Байқау келесі спорт түрлері бойынша өтті: күш дайындығы (турник, пресс), спринт (60,100м), кросс (1500-2000м.), пневматикалық қарудан ату, граната лақтыру және орыннан ұзындыққа секіру.

№101 МЛ атынан 14-15 жастағы оқушылардың тобы қатысты. Олар: Шандер Денис (10 «а» кл.), Шандер Андрей (8 «г» кл.), Ким Джейсан (8 «б» кл.) және  Петренко Дарья (10 «а» кл.).

Сонымен қатар бұл сайыста  №101 МЛ мұғалімі Ахметов Жандос Айкиновичқатысты.

Біздің топ мүшелері бағдарламаның мына түрлерінде жоғары деңгей көрсете алды: 2000 метрге жүгіру, созылу, пресс пен жүзу жаттығуларын жасауда.

2000 метрге жүгіруде Шандер Андрей президенттік деңгейді орындады, Шандер Денис және Шандер Андрей созылуда президенттік деңгейді орындады, арқада жатып кеудені көтеруде 1 минутта 60 рет көтеріліп, Петренко Дарья президенттік деңгейді орындады. Жүзуде біздің спортшыларымыз - Петренко Дарья және Шандер Денис 1 ересектер деңгейін орындады.

№101 МЛ мұғалімі Ахметов Жандос Айкинович жоғары деңгейді көрсетті: турникке тартылуда 24 рет, граната лақтыруда - 49 метр, орнынан секіруде - 2,82 метр.  Соның нәтижесінде Жандос Айкинович ІІІ орынға иеленді.

№101 МЛ тобын жоғары деңгейдегі спорт жетістіктерімен құттықтаймыз және болашақта осындай деңгейде өнер көрсетуге тілектеспіз!!!