Музыка апталығы аясында 17- қараша күні 9-сынып оқушыларына арналған «Бір әннің тарихы» атты танымдық іс-шара ұйымдастырылды.
Іс-шара барысында оқушыларға қазақ музыка өнеріндегі ерекше орын алатын «Елім-ай» әнінің шығу тарихы, оның тарихи маңызы мен халық жадындағы орны кеңінен таныстырылды.
«Елім-ай» – жай ғана ән емес, бұл – халқымыздың басынан өткен ауыр кезеңдердің шежіресі, ел басына түскен нәубеттің көрінісі, туған жерге деген сағыныш пен азаттыққа деген асқақ рухтың үні.
Танымдық таныстырылымда әннің тарихи мазмұны ашылып, оның ұрпақтан-ұрпаққа жеткен рухани мұра екені ерекше атап өтілді. Оқушылар әннің әрбір әуенінен халықтың мұңын, әрбір сөзінен елге деген сүйіспеншілік пен туған жерге деген шексіз құрметті сезінді.
Іс-шараның басты мақсаты – оқушылардың ұлттық музыкаға деген қызығушылығын арттыру, тарихи санасын қалыптастыру, халық әндерінің тәрбиелік мәнін түсіндіру және ұлттық мұраны қастерлеуге баулу.
Танымдық іс-шара соңында оқушылар ән туралы өздерінің ой пікірлерін , әннен алған әсерлерін білдірді.
«Елім-ай» әні арқылы оқушылар бір әннің бойында тұтас бір халықтың тарихы, тағдыры мен рухы сақталатынын ұғынды.
Музыка апталығы – өнер арқылы тарихты танып, ұлттық құндылықтарды дәріптеудің жарқын үлгісі.
Өткізген музыка пәні мұғалімі Заит Пернегүл.
#АдалАзамат
#goroo_krg
#Әділдікжәнежауапкершілік #Справедливостьиответственность
#қарағандымектептері
Байланыс телефондары
