#Біртұтас_тәрбие бағдарламасы шеңберінде “Цифрлық әлемде қауіпсіз қадам” алдын алу шарасы жоспарланған. Алдын алу шарасы сынып сағаттарында ақпараттық қауіпсіздік, кибермәдениет, кибергигиена, медиа сауаттылықты дамытуды көздейді.
Цифрлық әлем бізді өзіне тартады, бірақ оның да шынайы өмірдегідей қауіпсіздік ережелері бар екенін ұмытпау керек. Әлеуметтік желілердің артында кейде көлеңкелі, қауіпті тұстар жасырынып тұруы мүмкін. Мәселен, хейтерлер мен тролльдер біреуді қорлап, ренжітеді, бейтаныс адамдар өздерін сенімді дос ретінде көрсетіп, сенімге кіруге тырысады. Қате ақпарат, қатыгез контенттер мен алаяқтық әрекеттер де жиі кездеседі.
Әлеуметтік желіде өзіңді қауіпсіз сезіну үшін бес негізгі қағиданы ұстан:
1.Әр аватардың артында адам бар, бірақ ол адамды мейірімді деп ойлау қателік болуы мүмкін.
2.Бейтаныс адамдарға сырыңды ашпа. Жеке деректеріңді қорғау маңызды, өйткені оларды дұрыс қолданбау қауіпке алып келуі мүмкін.
3.Ақпарат көздерін үнемі тексер. Қандай да бір ақпаратты бөліспес бұрын оның шынайылығына көз жеткіз.
4.Басқалардың намысына тиетін пікір жазудан аулақ бол. Желідегі әрекеттеріміз шынайы өмірдегідей жауапкершілікке ие.
5.Ақпараттың шынайылығын тексермей таратпа. Жалған ақпарат тарату – жауапкершілікке таратылады.
Есіңде болсын, цифрлық қауіпсіздік – жолдағы бағдаршам сияқты. Қай уақытта, қалай әрекет етуді білу маңызды. Әрбір қадамың үшін өзің ғана жауап бересің!
Авторство:
