«Ыбырай Алтынсарин атындағы мектеп-лицейі» КММ әкімшілігі келесіні хабарлайды. Қарағанды облысы көлемінде жаңа оқу жылына дайындық
аясында қала мектептерінде әртүрлі санаттағы балаларға материалдық көмек көрсету жұмыстары басталды.Аталған материалдық көмек «Жалпы оқу қоры» есебінен атаулы әлеуметтік көмек алатын балаларға, сондай-ақ жан басына шаққандағы
табысы төмен, ең төменгі күнкөріс деңгейінен төмен отбасыларындағы балаларға беріледі. Бұл көмек жетім балалар мен ата-анасының
қамқорлығынсыз қалған балаларға, сондай-ақ төтенше жағдайға тап болған және басқа да мұқтаж мектеп оқушыларына да қатысты.
Көмек ата-аналардың карточкалық шотына ақшалай қаражат аудару арқылы беріледі. Биыл ағымдағы жылға ақшалай көмектің мөлшері 40567
теңгені құрайды. Қаражаттың мақсатты пайдаланылуын қамтамасыз ету үшін ата-аналар 15 күн ішінде оқу құралдарын сатып алу туралы есеп беруі керек. Шығындарды растау үшін чектер немесе түбіртектер қажет болады.
Осыған байланысты, мектеп-лицейде «Жалпы оқу қоры» есебінен көмек қажет ететін отбасылардан шыққан балалар базасы сараланып, олардың
құжаттарын және жаңа тізімін қайта қалыптастыру жұмыстары 2023 жылдың 25 шілдесінде аяқталатынын хабарлаймыз. Сондықтан Сіздерден, егер жоғарыда айтылған санаттарға жататын болсаңыздар құжаттарыңызды
көрсетілген мерзімге дейін тапсыруыңыз сұралады.
Авторство:
