Жадынама
«Телефондық» терроризмге стационарлық және ұялы телефондардан, сондай-ақ факсимильдік аппараттар мен Интернет желісін пайдалану арқылы жасалған қылмыстар жатады.
Мұндай сын-қатерлердің мақсаты қарапайым бұзақылық, атақты болуды қалау, маңызды объектінің немесе оқиғаның жұмысын бұзу, белгілі бір адамды бопсалау немесе арнайы қызметтерге жалған қоңырау шалу болуы мүмкін.
Қазақстан Республикасында ҚР ҚК-нің 273-бабы "Терроризм актісі туралы көрінеу жалған хабарлау" қолданылады.
Баптың диспозициясы дайындалып жатқан терроризм актісі туралы көрінеу жалған хабарлау - бес мың айлық есептік көрсеткішке (АЕК) дейінгі мөлшерде айыппұл салуға не сол мөлшерде түзеу жұмыстарына не бес жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады.
ҚР ҚК-нің 15-бабына сәйкес, ҚР ҚК-нің 273-бабында көзделген қылмысты жасағаны үшін адамдар он төрт жастан бастап қылмыстық жауаптылыққа тартылады.
Бұдан басқа, ҚР ӘҚБтК - нің 438-бабына сәйкес арнайы қызметтерді көрінеу жалған шақыру-отыз АЕК мөлшерінде айыппұл салуға жазаланады, қайталап жасалған іс-әрекеттер алпыс АЕК мөлшерінде айыппұл салуға, 14-тен 15 жасқа дейінгі кәмелетке толмағандар жасаған іс-әрекеттер ата-аналарға немесе оларды алмастыратын адамдарға он бес АЕК мөлшерінде ескерту жасауға немесе айыппұл салуға әкеп соғады.