22.04 күні қазақ тілі мен әдебиеті пәнінің мұғалімі Тусыпбаева Дамира Кенесовна 9 "Ә" сыныбында  «Құрмалас сөйлемге байланысты қойылатын сызықша» тақырыбында ашық сабақ өткізді. Сабақта ақпараттық-коммуникациялық технологиялар шебер қолданылып, тақырыпқа байланысты әртүрлі мультимедиялық тапсырмалар орындалды. Оқушылар белсенді қатысып, жан-жақты білімдерін көрсетті.

23.04 күні қазақ тілі мен әдебиеті пәнінің мұғалімі Сагибаева Манар Абдумухашевна 8 "Ә" сыныбында  «Жүніс Сахиевтің «Айдағы жасырынбақ» әңгімесіндегі кейіпкерлер бейнесі» тақырыбында  ашық сабақ өткізді. Сабақта жаңа әдіс-тәсілдер қолданылып, тақырыпқа байланысты тапсырмалар жұптық, топтық түрінде орындалды. Оқушылар қызығушылық танытып, рөлдік ойынға белсенді қатысты.

25.04 күні қазақ тілі мен әдебиеті пәнінің мұғалімі Ахметова Гүлденсін Елубаевна 6 "Ә" сыныбында қазақ тілінен «Қазақстан кітапханалары»  тақырыбында  ашық сабақ өткізді. Оқу мақсаттары толық орындалды. Топтық жұмыс арқылы оқушылар ынтымақтасып тапсырмалар  орындады. Жеке жұмыстармен өз білімдерін көрсетті. Сабақ өз мақсатына жетті.

26 сәуір күні «Qazaq Epos» ағарту жобасы Қазақстан Республикасының Президенті Н.Ә. Назарбаевтың «Болашаққа бағдар: рухани жаңғыру», «Ұлы даланың жеті қыры» мақалаларында жүктелген міндеттерді жүзеге асыру мақсатында ұйымдастырылған «Тұлпар мініп, ту алған!» атты мектепішілік байқауы өтті. Байқауға 6-8 сынып аралығында оқитын оқушылар белсене қатысты. Олар: Қалқаман Нұрай, Арыстанбекова Айханым, Акпарова Жамал, Мамашева Аян, Жаксыбеков Даурен, Ахметбекова Аружан, Абетова Айым. Сонымен қатар, 9 «А» сыныбы «Мен қазақпын» атты әуелеген әнін шырқап, билерімен көрерменді тамсандырды. Байқаудың қорытындысы бойынша жүлделі 3-орынға ие болған 8 «Ә» сынып оқушысы Ахметбекова Аружан, 2-орынға ие болған 9 «Ә» сынып оқушысы Мамашева Аян болса, жүлделі орындардың биігіне шыққан Арыстанбекова Айханым 1-орынды иеленді.

Апталықтың қорытындысы 27.04 күні қазақ тілі мен әдебиеті пәнінің мұғалімдері М.А. Сагибаева, Д.К. Тусыпбаеваның жетекшілігімен өткізілген «Ұлы даланың жеті қыры» атты әдеби калейдоскоппен аяқталды. Шараға 9 "Ә", 10 "Ә" сынып оқушылары белсене қатысты. Оқушылар Елбасы мақаласын терең зерттеп, «даланың қырларын» өз түйгендері бойынша көрініс, би, әнмен бейнелеп жеткізді.