2018 жылы  қарашаның 17-сі күні Е.А.Бөкетов атындағы ҚарМУ-нің  «Дене мәдениеті және спорт» факультетінің  І курс студенттері мен жетекшісі - педагогика ғылымының магистрі, аға оқытушы Кулейменов Ардақ Жолдыбековичтің ұйымдастыруымен  және мектеп-лицейінің кітапхана меңгерушісі Мухамеджанова Жанара Сериковнаның жетекшілігімен  №101 мектеп-лицейінің Тұңғыш Президент залына және мектеп кітапханасына экскурсия жасады. Мектеп кітапханасында мұғалімдер мен оқушылардың өздеріне керек ақпарат іздеуіне, оқу бағдарламасына сай қажет көркем әдебиеттерді алып оқуына барлық жағдай жасалған. 10-15 кісілік оқу залы, 6 кісілік электронды кітапхана іске қосылған. Барлық сұрақтар бойынша кітапхана меңгерушісінің көмекшісі Емершина Айгерім Тиыштықбаиевна көмек көрсетеді. Студенттер үшін кітап көрмелеріне шолу жасалынды, кітапхана қорындағы  жаңа кітаптармен танысты. Студенттер өздеріне қажетті көп ақпарат алды.