Бүгін КММ «№101 мектеп-лицейінің» жанындағы «ЖАЗ» сауықтыру лагерінің оқушылары қаламыздағы С.Сейфуллин атындағы қазақ драма театрына «Спорт пен Қожа» атты қойылымды тамашалауға барды. Қойылымды көру барысында оқушылар Қожаның жалқаулығын жеңіп, соңында нағыз спортшы болып шыққанының куәсі болды. Өздері де бала денсаулығы мен өмірі үшін спорттың маңыздылығын түсінді. Қойылым балаларға ұнады. Актерлердің шеберлігі мен сахнаның әсем декорациясы оқушылардың қойылымды тамашалауға ынталарын арттыра түскені сонша, оқушылар оқиғаның ішіне өздері кіріп кеткендей әсер алды.