14.05.2018 ж. мектеп кітапханасында 6 «Б» сыныбы оқушыларына арналған кітапханалық – библиографиялық сабақ өткізілді. Кітапхана меңгерушісі Е.Ж. Махаева оқушыларды кітаптармен, анықтамалармен, Қазақстан атласымен және география бойынша электрондық кітаптармен  таныстырды. «365 ғылыми эксперименттер» кітабы физика, география, астрономия бойынша тәжірибелер туралы мәлімет береді. Анықтамалар мен энциклопедиялар келесі қызықты сұрақтарға жауап бере алады: Қаздар қыста неге ұшып кетеді? Сахарада түнде неге  суық? Сабын көпіршіктері неге пайда болады? Оқушылар қарастырылған сұрақтарды талдауға белсенді қатысты.