18 маусым күні мектебімізде 11-сынып түлектеріне орта білім туралы аттестаттарды салтанатты түрде тапсыру рәсімі өтті. Бұл күн – мектеп қабырғасындағы білім мен тәрбиеге толы жылдардың аяқталып, жаңа өмір жолының бастау алған ерекше сәті болды.

Мерекелік шара барысында түлектерге аттестаттар табысталып, мектеп әкімшілігі, ұстаздар мен ата-аналар тарапынан жылы лебіздер мен ақ тілектер айтылды. Түлектерге алдағы өмір жолында сәттілік, биік мақсаттарға жету, білім мен еңбектің арқасында үлкен жетістіктерге қол жеткізу тілектері білдірілді.

Мектеп бітіруші түлектерімізді шын жүректен құттықтаймыз! Оларға жарқын болашақ, толағай табыс, мықты денсаулық және армандарының орындалуын тілейміз!