Қарағанды қаласы әкімдігінің "Қарағанды қаласының…
№5 қосымша білім беру мектеп-орталығы

Қазақ тілін үйренеміз

Байлық, қазына
богатство.
Сұрақ-жауап
Барлық жауаптар: 129
Жаңа сұрақтар: 44

№5 ҚББМО-ның Ішкі тәртіп ережелері

 

№5 ҚББМО-ның

ІШКІ ЕҢБЕК ТӘРТІБІНІҢ ЕРЕЖЕЛЕРІ

 

         «№5 қосымша білім беретін мектеп-орталығы» коммуналдық мемлекеттік мекемесінде еңбек тәртібі 2015 жылдың 1 шілдесінен бастап Қарағанды облысы әкімдігінің № 29/05 бекітілген қаулысымен, білім беру мекемесінің ішкі тәртібі типтік ережелеріне сәйкес, әкімшіліктің ұсынуы бойынша мектеп жұмыскерлерінің педагогикалық кеңесінде ішкі еңбек тәртібінің ережелері анықталады.

    Осы ережелерге білім ұйымындағы әкімшілік пен ұстаздардың оқушыларымен қарым-қатынасы, оқу-тәрбие үрдісі қатысушыларының тәртібі, оқушылардың денсаулығы мен өмірінің қауіпсіздігін қамтамасыз ететін шарттарға балалардың құқығын қорғау, білім ұйымындағы жұмыстың басталуы мен аяқталуы, үзілістер, оқу сабақтарының ұзақтығы енеді.

 

ЕҢБЕК ТӘРТІБІНІҢ ЕРЕЖЕЛЕРІ

1. №5 ЖББОМ-дегі тәртіп оқушыларды, ұстаздарды құрметтеу негізінде сақталады. Оқушыларға күштеп оқыту әдістері қолданылмайды.

2. Мектептегі еңбек тәртібі жұмыс істеу үшін қажетті ұйымдастырушылық, материалдық және экономикалық жағдайлар, еңбекке деген саналы сезімдері қамтамасыз етеді.

3. Педагогикалық  қызметкерлер мен оқушылар, ғимараттағы басқа да қызметкерлер еңбек тәртібін сақтап, адал жұмыс істеуі тиіс. Әкімшіліктің үкімдерін уақытында орындап, еңбекті қорғау, техника қауіпсіздігі мен санитарлық талаптарды сақтауы тиіс.

4. Барлық оқу үрдісі субъектілерінің тәртібі мектепЖарғысында белгіленген міндеттері мен құқыларымен анықталады.

5. №5 ЖББОМ-де еңбек тәртібін бұзатын, өз міндеттерін дұрыс орындамайтын қызметкерлер қажетті жағдайда қоғамдық немесе тәртіптік жауапкершілікке тартылады.

 

1. БІЛІМ ҰЙЫМЫНДАҒЫ ӘКІМШІЛІК ПЕН ҰСТАЗДАРДЫҢ ОҚУШЫЛАРМЕН ҚАРЫМ-ҚАТЫНАСЫ

1.1 «№5 ЖББОМ» КММ өз қызметінде ҚР «Білім туралы» Заңды басшылыққа алады.

1.2 «№5 ЖББОМ» КММ ҚР белгіленген заңнамасына сәйкес жалпы білім сапасына, оның мемлекеттік білім стандарттарына сәйкес болуына, оқушылардың психофизикалық жас ерекшеліктеріне, қызығушылықтарына қарай әдіс-тәсілдерді дұрыс қолданатынына, оқушылардың денсаулығы мен өміріне жауап береді.

1.3  Мектепте саяси партиялар, ұйымдық құрылымдар, қоғамдық-саяси немесе дін қозғалыстарын, ұйымдарын құруға тыйым салынады.

1.4  Ішкі еңбек тәртібінің ережелерін қолданумен байланысты мәселелер құқықтарына қарай гимназия әкімшілігімен, кей жағдайларда заңнамаға сәйкес кәсіподақ комитетімен бірлесіп шешіледі.

 

2.   ҚЫЗМЕТКЕРЛЕРДІ ЖҰМЫСҚА ҚАБЫЛДАУ, АУЫСТЫРУ НЕМЕСЕ ЖҰМЫСТАН ШЫҒАРУ ТӘРТІБІ

2.1  Мектеп қызметкерлері үшін жұмыс беруші болып мектеп директоры есептеледі.

2.2 Мектепдиректоры жұмысқа қабылдайды және мектеп қызметкерін жұмыстан шығарады.

2.3 Педагогикалық жұмысқа қажетті кәсіптік педагогикалық біліктілігі бар, қызметіне қарай біліктілік талаптарына сәйкес және білімі туралы құжаттармен мамандығы расталатын тұлғалар қабылданады.

2.4  Мектептегі педагогикалық қызметке медициналық көрсеткіштері бойынша немесе сот үкімі бойынша рұқсат берілмейтін, сонымен қатар белгілі бір қылмыстары бойынша сотталған тұлғалар жұмысқа қабылданбайды.

2.5 Қызметкер жұмысқа қабылданғанда әкімшілікке денсаулығы жайлы медициналық қорытындысын, білімі туралы құжатын, еңбек кітапшасын, жеке куәлігін, нарколог, психиатр, фтизиатр мамандары берген анықтамаларын, ҚР Еңбек Кодексі бойынша сотталмағандығы туралы құжатын немесе басқа да құжаттарын тапсыруы тиіс.

2.6 Қызметкер жұмысқа қабылданғанда немесе басқа жұмысқа ауыстырылғанда мектепәкімшілігі жауапты:

а) қызметтік нұсқаулығына сәйкес тапсырылған жұмыспен, еңбек шарттарымен таныстырып, құқықтары мен міндеттерін түсіндіруге;

б) еңбек тәртібінің ережелерімен таныстыруға;

в) Еңбекті қорғау мен техника қауіпсіздігі, өндірістік санитария мен гигиена, өрт қауіпсіздігі, балалардың өмірі мен денсаулығын сақтау бойынша нұсқаулықпен таныстыруға;

2.7 Мектептің әрбір әкімшілік және педагогикалық қызметкеріне жеке іс жүргізіледі, оған кадрларды есепке алу парағы, өмірбаяны, білімі туралы құжаттарының көшірмелері, аттестаттау нәтижелері бойынша материалдар, балалар мекемесінде жұмыс істеуге рұқсат етілетін медициналық құжаттар, қызмет бойынша тағайындау немесе ауыстыру туралы бұйрықтардың көшірмелері енеді.

2.8  Педагогикалық қызметкерлер ҚР Еңбек Кодексінің баптарына сәйкес еңбек келісім-шартын бұзу негізінде жұмыстан босатылады.

 

3. ОҚЫТУ ҚЫЗМЕТІ

3.1 Ұстаздардың сағат жүктемесі мектеп мұғалімдерінің білікті мінездемелерін ескере отырып, мектепмүмкіндіктері мен мүдделері негізінде қабылданған нормаларға сәйкесмектепәкімшілігімен реттеледі.

3.2 Мектептеоқыту сабақтары орындауға міндетті оқу жоспары негізінде директормен бекітілген сабақ кестесіне қарай өткізіледі.

3.3 Сабақтардың,үйірмелердің, секциялардың, арнаулы курстардың өткізілмеуі, ауыстырылуы, қысқартылуы немесе мерзімнен бұрын аяқталуы әкімшіліктің келісімі болмаса рұқсат етілмейді.

3.4 Оқу үрдісінің үзілмеуін қамтамасыз ету мақсатында мұғалім белгілі бір себеппен сабақты өткізе алмайтын болса, бір күн бұрын директордың ОТЖ орынбасарын немесе директордың ОІЖО ескертеді.

3.5  Мұғалімдер мен оқушылар сабаққа кешікпеуі тиіс.

3.6  Мұғалім жұмыс орнында сабақ басталуына дейін 15 минут бұрын келуі тиіс, ал оқушылар 10 минут бұрын келуі керек. Мұғалім мен оқушылар сабаққа қоңырауға дейін дайындалады. Қоңыраудан кейін сабаққа келу немесе сабаққа дайындалу оқу тәртібін бұзушылық деп есептеледі.

3.7 Тәртіп бұзу, сабаққа кешігу жағдайлары кезекші мұғаліммен немесе сынып жетекшісімен тіркеледі. Оқушылардың жүйелі түрде тәртіп бұзу туралы ақпаратты сынып жетекшілері әкімшілік пен ата-аналарға жеткізуі тиіс.

3.8  Оқушыларды сабақтан шығару рұқсат етілмейді.

3.9 Сабақтың уақыты үнемді пайдалануы тиіс. Оқушылардың өзге тақырыптарға назары аударуы рұқсат етілмейді.

3.10 Мұғалім мен оқушыларға сабақ кезінде сыныптан шығуға немесе өзге қызметпен айналысуға болмайды. Сабақ кезінде мұғалім оқушылардың өмірі мен денсаулығына жауапты.

3.11 Оқу қызметінің жағдайына оқу үрдісінің барлық қатысушылары жауап береді.

3.12 Тапсырмалардың жалпы көлемі қабылданған нормалардан аспауы тиіс.

3.13 Сыныптардағы сабақтар мен сыныптан тыс іс-шаралар аяқталған соң, сыныптың іші тазалануы тиіс.

3.14 Өзіне-өзі қызмет көрсету бойынша жұмыстар жауапты кезекші көмегімен сынып жетекшісімен реттеледі.

3.15 Кезекші сынып кезекші мұғалімнің және кезекші әкімшілік жетекшілігімен мектепке сағат 7. 35-те келуі тиіс (1 ауысым); сағат 13.25 (2 ауысым)

3.16 Кезекшілік нұсқаулықтан (жиыннан) басталады, онда сынып жетекшісі негізгі міндеттерді айқындап, оларды орындау бойынша ұсыныстар береді.

3.17 Кезекші әкімшілік кезекшілікті ұйымдастыру бойынша өз ұсыныстарын енгізеді, шешім мен бақылауды қажет ететін мәселелерге  көңіл бөледі.

3.18 Кезекшілер мектепте белгілі орындарға қойылып, 1) тәртіпке 2) санитарлық жағдайға 3) өз объектісінің, ауласының көрікті жағдайына жауап береді.

3.19 Кезекшілер оқушыларға талап қоюға және талаптарды орындатуға құқылы.

3.20 Егер кезекшілердің талаптары орындалмаса, кезекшілер сынып жетекшісіне немесе кезекшілікке жауапты мұғалімге жүгіне алады.

 

4. ОҚУШЫЛАРДЫҢ ЖАЛПЫ МІНДЕТТЕРІ

Оқушылар жауапты:

4.1  Оқу үрдісінің қауіпсіздігін қамтамасыз ету мақсатында МектепЖарғысын, Педагогикалық кеңестің шешімін, ішкі тәртіп ережелерін, еңбекті сақтау нұсқаулығын, өрт қауіпсіздігінің ережелерін, әкімшілік пен мұғалімдердің талаптарын орындауға жауапты.

4.2 Белгіленген уақытта мектепке келу және себепсіз сабақтан қалмау. Сабақтан қалған жағдайда оқушы сынып жетекшісіне медициналық мекеменің анықтамасын немесе ата-анасының (қамқоршысының) өтінішін көрсетеді.

4.3 Жұмыс уақыты кезінде мектептеболу. Сабақ кезінде сынып жетекшісі немесе мектепәкімшілігінің рұқсаты болмаса, мектептенкетуге рұқсат етілмейді.

4.4 Оқу бағдарламасын меңгеруге, жақсы оқуға, уақытында үй жұмысын сапалы орындауға жауапты.

4.5  Қоғамдық пайдалы еңбекке қатысу.

4.6 Үлкендерге құрмет көрсету, кішілерге қамқор болу. Оқушылар ұстаздарға, үлкендерге, жоғары сынып оқушылары бастауыш сынып оқушыларына, ұлдар қыздарға жол береді.

4.7 Даулы мәселелерді жанжалсыз шешу. Болмаса, сынып жетекшісі, мектепәкімшілігінің көмегіне жүгіну.

4.8 Мектепмүлкін сақтау, жөндеу жұмыстарына мүмкіндігінше қатысу, өзгенің мүлкін де сақтау.

4.9 Өзінің сыртқы киімі қадағалау, ресми түрде киіну.

4.10 Тыйым салынады:

- мектепжәне оның ауласына қару, жарылғыш,химиялық, қауіпті заттарды,темекі, ішімдіктерді, есірткі, улы заттарды әкелуге;

- шылым шегуге;

- балағат сөздерді айтуға;

- сабақта ұялы телефонды пайдалануға;

- мектепке кір,уқаланған, тым қысқа немесе ашық-шашық киімде келуге, түрлі партияларға, діни ағымдарға қатысуын көрсететін киімде келуге;

- құмар ойындар ойнауға, спирттік және энергетикалық сусындарды ішуге, психотроптық заттарды қабылдауға, алып сатуға; Әкімшілік, сынып жетекшілері, кезекші мұғалімдер ата-анасының (заңды өкілдері) келгенге дейін алып қоюға міндетті. 

 

5.  МЕКТЕПКЕ КЕЛУ ЖӘНЕ МЕКТЕПТЕН КЕТУ

5.1 Мектепке сабаққа дейін 15 минут бұрын таза, үтіктелген ресми киімде, шашын тарап келу керек.

5.2 Сабақтар аяқталған соң киімдерін алып, киініп, гимназиядан сыйластық ережелерін сақтап шығуы тиіс. 

 

6. СЫРТҚЫ КЕЛБЕТІ

Оқушылар мектепке мектеп формасымен келеді:

Қыздарға:

Костюм тройка (кофта мен жеңсіз трикотаж жемпір, юбка, сарафан), ақ блузка.

 

Ұлдарға:

Костюм тройка (кофта мен жеңсіз трикотаж жемпір), ақ түсті жейде. Суық ауа райында блузка, көйлекті водолазкамен ауыстырып киюге болады, қара немесе ақ түсті; Дене шынықтыру, АӘД сабақтарында оқушылар арнайы киім және аяқ киім киеді.

 

Шаштары:

1) ұлдар - қысқа классикалық немесе модельді шаш;

2) қыздар - ұзын шаштарын тегіс жинауы тиіс, орташа ұзындықты шаштар шаш қыстырғыштарымен жиналуы тиіс.

 

Бірыңғай мектеп формасын киіп келгенде келесілерге жол берілмейді: ауыстыратын аяқ киім ретінде (шлёпанцы, «сланцы» және т. б.), кроссовка, кеды, биіктік өлшемі 4,5 см. аспайтын аяқ киім, ашық және абстрактілі жазулары, суреттері бар киімдер немесе джинсы киюге, көзді жауып тұратын кекіл қоюға, "панки" үлгідегі шаш үлгісіне, ұлдарға шаш өрімін жасауға, түрлі-түсті көзге көрінетін түске шашты бояуға, ашық және көзге қатты көрінетін бояулар қолдануға, татуировка жасауға, ұзын және қымбат әшекейлер тағуға, пирсингке, ашық маникюрге.

 

7. САБАҚТАҒЫ ТӘРТІБІ

7.1 Оқушыларды кабинетте сынып жетекшісі немесе пән мұғалімі психофизикалық ерекшеліктерін ескеріп отырғызады.

7.2 Әр мұғалім өз пәні бойынша сабақ жүргізгенде ҚР заңнамасына қарама-қайшы келмейтін пәнге тән ережелермен таныстырады. Бұл ережелерді барлық оқушылар орындауға міндетті.

7.3 Сабақ басталар алдында оқушылар өз жұмыс орнын, сабаққа қажетті оқу құралдарын дайындауы керек.

7.4 Сыныпқа кірер алдында оқушылар мұғаліммен амандасып, мұғалім рұқсат бергенде ғана орындарына отырады. Сабаққа кірген кез-келген үлкен адаммен амандасулары тиіс.

7.5 Сабақтың уақыты тек қана оқу мақсатына арналады. Сабақ кезінде шулауға, ойнауға, сабаққа қатыспайтын тақырыптарға сөйлесуге болмайды.

7.6 Мұғалімнің (сынып жетекшінің) талабы бойынша оқушы күнделікті дереу беруге тиіс. Күнделіктегі кез-келген жазуларды ұқыпты жазу керек. Әр жұмыс аптасынан кейін оқушының ата-аналары күнделікті тексеріп, қолдарын қояды.

7.7 Сұрақ қою немесе жауап беру үшін қолын көтеріп, мұғалімнің рұқсатын сұрау керек.

7.8 Егер оқушы сыныптан шыққысы келсе, ол мұғалімнен рұқсат сұрайды.

7.9 Сабаққа қоңырау – бұл мұғалімге ескерту. Мұғалім сабақ аяқталғанын хабарлаған кезде ғана, оқушылар орындарынан тұрып, жұмыс орындарын тазалап, сыныптан шыға алады.

7.10 Оқушылар денешынықтыру сабақтары үшін спортық киімін, ал технология сабақтарына арнаулы киім әкелу керек. Мұндай киімдері болмаса, оқушылар сыныпта қалып, сабаққа қатыспайды.

7.11 Сабақ кезінде ұялы телефондарды пайдалануға болмайды. Барлық техникалық құрылғыларды (плеер, ойын құралдарын) сөндіріп, ұялы телефонды үстелден алып, даусын бәсеңдетуі тиіс. Егер оқушы талапты орындамаса, мұғалім сабақ кезінде техникалық құрылғысын алып қоя алады. Талаптарды бірнеше рет орындамасы, мұғалім техникалық құрылғыларын ата-анасының( заңды өкілдерінің) қатысуымен ғана оқушыға қайтара алады.

 

8. ҮЗІЛІСТЕГІ ТӘРТІП

8.1 Оқушылар үзіліс уақытын демалу үшін пайдаланады.

8.2 Дәліздер, сатыларда оң жақ жолмен жүрулері тиіс.

8.3 Үзілістер кезінде оқушыларға рұқсат етілмейді:

- шулауға, сатыларда, терезелердің маңайында, ойындарға келмейтін орындарда жүгіруге;

- бір-бірін итеруге, заттарды лақтыруға, кез-келген мәселені күш арқылы шешуге;

- бір-біріне балағат сөздер айтуға, қорқытуға, заттарын қорқытып алуға;

Мұндай құқық бұзушылыққа ҚР заңнамасына сәйкес іс-шаралар қолданылады. 

 

9. АСХАНАДАҒЫ ТӘРТІП

9.1. Оқушылар гигиена ережелерін сақтайды: асханаға сыртқы киімсіз кіру, тамақ ішер алдында қолдарын жақсылап жуу.

9.2. Оқушыларға асханадағы қызмет кезекпен көрсетіледі, оқушылар асхана қызметкерлерінің талаптарын орындауға міндетті. Тамақ ішкенде тәртіп сақтауы тиіс. Ыстық, сұйық тағамдарды алғанда абай болулары керек.

9.3. Асханада сатып алған немесе өздерімен әкелген тамақ мен сусындарын тек қана асханада  ішуі тиіс. Тамақ ішкен соң, оқушылар ыдыс-аяқтарды жинап қояды.

9.4. Сабаққа кешіккен жағдайда, оқушы кабинеттің есігін қағып, мұғаліммен амандасып, кешіккені үшін кешірім сұрап, орнына отыруға рұқсат сұрайды.

 

10. СЫНЫПТАН ТЫС ІС-ШАРАЛАРДЫ ӨТКІЗУ КЕЗІНДЕГІ ТӘРТІП

10.1 Іс-шаралар өткізу алдында оқушылар техника қауіпсіздігі бойынша нұсқаулықпен таныстырылады.

10.2 Іс-шараларды өткізу кезінде жетекшінің барлық талаптарын мұқият орындау керек, өз өмірі мен басқа оқушылардың өміріне қауіпті әрекеттерді болдырмауға тиіс.

10.3 Оқушылар тәртіп сақтап, белгіленген жолмен ғана жүріп, жетекшінің айтуымен топ арасында болулары тиіс.

10.4 Жеке гигиена ережелерін сақтап, денсаулығы нашарласа, сынып жетекшісіне хабарлау керек.

10.5 Оқушылар жергілікті дәстүрлерді құрметтеуге, табиғатты, тарих пен мәдениет ескерткіштерін қастерлеуге міндетті.

10.6 От шығаратын (факелдер, балауыздар, фейерверк т.б.), химиялық, пиротехникалық заттарды қолдануға тыйым салынады.

 

11. СОҢҒЫ ЕСКЕРТУЛЕР

11.1 Осы ережелер мектептің бүкіл аймағында сақталады және мектеп оқушыларының қатысуымен өткізілетін барлық іс-шараларда қолданады.

11.2 Педагогикалық кеңестің шешімі бойынша құқық бұзушылық әрекеттері үшін, мектептің Жарғысын, ішкі тәртіп ережелерін, оқу тәртібін бұзғаны үшін оқушы мектептен шығарылады.

11.3 Осы ережелер мектептің көрнекті жеріне  ілінеді.

 

 

Директоры Нурмагамбетова Т.А.