Ғ.Мұстафин атындағы №83 ЖББОМ 2016 жылдың 9-шы қыркүйегінде балалар жарақаттануының алдын алуға арналған «Назар аударыңдар, бағдаршам!» тақырыбында іс шаралар апталығы болып өтті. 9«А» сыныбының оқушылары  Тілеулинова Д., Автушко А., Чубукина Ю. - жас жол жүргіндер инспекциясы тобының тексерулері ретінде 2 «А» сынып оқушыларына жол жүру ережелері туралы және  қаланың қоғамдық орындары мен көшелерінде тәртіп сақтау, дұрыс жүру туралы әңгіме өткізді. «Бағдаршам»түстерінің жүргіншілерге арналған белгілері туралы түсіндіріп, айтып береді. Әңгімеден соң «Бағдаршам» ойын жарысы болып, сөзжұмбақ ойыны ұйымдастырылды, көңілді сұрақ-жауаптар іс шарасы ережелерді есте сақтау аясында қызықты әрі әсерлі өтті. Жол жүру ережелерін білу, жарақаттардан сақтануға арналған шағын мерекеге балалар белсенді қатысты. 

Балаларға жетекші болған тәлімгер, жас өспірімдер ұйымының басшысы М.С.Жиенбаева.