Бүгін 23.12.2024 ж. «Ғ.Мұстафин атындағы ЖББМ»  оқушыларына және ұстаздарына кинорежиссер Ерлан Ушакпаевтың «Ұстаз» атты көркем фильмі көрсетілді. Фильмді көрсетудің басты міндеті педагог мамандығының маңыздылығын көрсету, олардың қоғамдағы рөлін терең түсінуге ықпал ету және жас мұғалімдерді кәсіби дамуға шабыттандыру. Басты кейіпкер Ілияс – беделді математика пәнінің маманы. Анасының сырқатына байланысты ол Алматыдан өз туған ауылына қайтуға мәжбүр болады. Ауыл мектебіндегі 11-сынып оқушыларына ешкім үміт артпайды, олардың ҰБТ-дан құлайтынына ешкім күмәнданбайды. Ілияс бұл сыныпқа тек ҰБТ-ны тапсыруды ғана емес, өз күштеріне деген сенімділікті арттыруға, өзара қарым-қатынасты жақсартуға және балалардың басқа да әлеуметтік мәселелерін шешуге көмектесуге тырысады. Фильмде интернетке тәуелділік, дұрыс мамандық таңдаудың маңыздылығы, ҰБТ-ның оқушылар психологиясына әсері, сондай-ақ ата-ананың бала тәрбиесіндегі рөлі секілді мектеп оқушыларына қатысты маңызды мәселелер көтеріледі.