Бүгін ҚР ІІМ Қарағанды академиясының басшы орынбасары полиция полковнигі, з.ғ.к., доцент  Сейтжанов Олжас Темиржанович 11-сынып оқушыларымен жүздесті. Кездесу барысында бейіндік бағыт бағдар беру жұмыстарын жүргізді. Сонымен қатар өзінің өмірі, еңбек жолы жайлы да айтып, оқушыларға Отанымыздың ертеңгі тағдыры өзіміздің бүгінгі қызметімізді қалай атқарып жүргенімізге тікелей байланысты екенін де атап өтті. Бүгінгі өзгерістер заманында тек білімді болу аздық етеді. Сондықтан жас ұрпақты өнегелі, рухани ойлау дәрежесі биік, мәдениетті, ар-ожданы мол, еңбекқор, бойына басқа да ізгі қасиеттер сіңген азамат болып өсіруге де күш салғанымыз абзал, деп сөзін аяқтады.