Тақырыбы: «Татулық-достықтың киелі бесігі»

 

Мақсаты: 1. ҚР-ның көпұлтты, бейбіт, қонақжай ел екенін түсіндіру,

мағлұмат беру;

2. Таным қабілеттерін, ой-өрістерін, тілдік қорларын дамыту;

3. Отанын сүюге, халықтар достығының мәнін ұғынуға, достықты,

бейбітшілікті сақтауға тәрбиелеу;

 

Мұғалім.

1-мамыр мерекесі әкелетін жылылық пен үміттер тыныштық пен келісімнің нығаюына ықпал етеді. Сол себепті тату шаңырақ астында осы көктемгі мерекені қарсы алу дәстүрге айналды. Осы күндері ұлтына қарамастан еліміздің барша азаматтары өзін үлкен біртұтас халық ретінде сезінеді.

-1-мамыр мерекесі-барлық адамдардың бірігу мерекесі ғана емес, бұл табиғат пен адамның бірігу мерекесі!

  

-Гүл басады ана сай, мына сайды,

Күн кеп мейман етеді күміс айды.

Мамырымен майысып дүние гүлдеп

Аталар мен әжелер бір жасайды.

Қыстағыдан малдың да сүйегі ауыр,

Қырға толған жас төлдің тойы мамыр.

Осы тойды бақыттың бір тойы деп,

Келген сайын құшақтап сүйеді ауыл.

Көктем гүлдеп әлемнің барша алабы,

Жақсы күндер келді деп жар салады.

Қала түгел көшеге шығады да

Әсем тойды әнменен қарсы алады.

1-оқушы.«Туысқан ел» Ж.Жабаев

-Енді бүгін қарасам, айналам бақыт, кең жатыр

Бірімен-бірі туысқан, қол ұстасқан ел жатыр.

Қырғыз, қазақ, өзбектер,

Монғол, ұйғыр, дүнгендер,

Армян, тәжік, грузин,

Орыс пенен украин-терезесі тең жатыр.

Алатау, Кавказ ұласып, баурайы бұйрат, кең жатыр

Бақыттың әні асқақтап, құлаққа даусы кеп жатыр.

 

2-оқушы.«Достық жыры»

-Мамырдың бірі-достықтың күні

Халықтар үні тұтасқан.

Ұлттардың бәрі, жарасқан жаны

Елімнің бағы-құт ашқан.

Жүздері жарқын, сүйікті халқым

Бұзбайды салтын, достығын.

Аспан мен жерде, өзен мен көлде

Осынау әнге қосты үнін.

Көктемдей көңілі, шадыман өмірі,

Достықтан ғана нәр алған.

Ай менен күн де, жайқалған күн де

Ел бақыты үшін жаралған.

 

Мұғалім.

-Әрбір халықтың бай мәдениеті бар. Ертегілер, аңыздар, салт-дәстүрлер ұрпақтан-ұрпаққа беріліп отырады. Әр халықтың өз салт-дәстүрі, өз тарихы мен әдебиеті бар. Дегенмен бақыт, әділдік, бейбітшілік, жарқын болашақ үшін күрес-осылардың бәрінің басын біріктіреді.

 

3-оқушы.- Бейбітшілік өмірдің, туы қолда толқыған

Жадыраған көңілдің күші керней ағылған

Майдың жыры, май үні, аралай түс жер шарын

Нұрыңды төк, май күні алқұшаққа ел таңын

Көктем келді, май келді, шақырады тойға елді,

Бізбенен қол ұстасып кел, бірге жүр, жақсы май

Гүл терейік, тысқа шық, көк сағынған досым-ай

 

Мұғалім.

-Қазақстандағы барлық ұлт түріне, нәсіліне қарамастан теңдей білім алып, ҚР-ның Ата заңы негізінде өздерінің Отанына айналған қазақ еліне барынша қызмет етіп, ел бірлігінің негізін қалап келеді.

 ІІІ Қорытынды

Мұғалім

 Бір шаңырақ астында бейбіт, тату-тәтті өмір сүрейік. Отанымызға адал қызмет етіп, гүлдендіруге үлес қосуға әрдайым дайынбыз!