Короновирус инфекциясының (бұдан әрі - КВИ) жаңа түрін алып келу және таратудың алдын алу мақсатында Қарағанды облысында Қарағанды облыстық тауар қауіпсіздігі және қызмет көрсету сапасын бақылау Департаменті (бұдан әрі - Департамент) Сіздерге КВИ тіркеуін болдырмау үшін жалпы орта білім беретін мектептердегі, интернаттық ұйымдардағы эпидемияға қарсы шаралар алгоритмін жолдайды:
1)  күнделікті, әр ауысым сайын оқу сабақтары басталар алдында барлық оқушылардан сауалнама жүргізіліп, термометрия көрсеткіштері бойынша сыртқы қарау шарасы ұйымдастырылсын; 
2) әр қабатта және әр сыныпта науқастанған балаларды уақтылы анықтау мақсатында санитарлық пост жұмысы ұйымдастырылсын, сусындау тәртібі қатаң сақталсын, тек қайнатылған су пайдаланылсын; 
3) ЖРВИ, тұмау және басқа да инфекциялық аурулардың (жұқпалы тері ауруларымен бірге алғанда) белгілері бар тұлғалар оқу сабақтарына жіберілмесін;
4) жалпы білім беретін орта мектептерде, интернаттық ұйымдарда медициналық орталықтарға жеткізгенге дейінгі КВИ күдікті ауруды оқшауландыру үшін арнайы жеке бөлме дайындылсын;
5) жеке бөлме қамтамасыздандырылу табеліне сәйкес қажетті құрал-жабдықтармен және инвентарьмен жабдықталсын; 
6) үзіліс кезіндегі оқу кабинеттері желдету тәртібі күшейтілсін; 
7) сабақ кезінде дәліздерді желдету тәртібі күшейтілсін; 
8) кабинеттерде дезинфециялық құралдарды пайдалана отырып ылғалды тазалау жұмыстарын өткізу уақыты жиілетілсін (әр үзілістен кейін), есіктердің тұтқалары, крандардың бұрау тетіктері, раковиналар, сатылардың ағаштары және т.б. міндетті түрде жуылсын;
9) санитарлық орындарды (әжетханаларды) қолды жуу және құрғату құралдарымен қамтамасыз ету;
10) дәліздерді, спорт залын, кітапханаларды, жиын залын, ас бөлімінің тамақтану орнын кварцтауды жүргізу;
11) медициналық кабинеттерді қажетті медициналық жабдықтармен және медикаменттермен (термометрлер, шпательдер, маскалар, кварцтау лампалары және т.б.) қамтамасыз ету;
12) инфекция енгізу қаупі туындауына байланысты ҚР денсаулық сақтау Министрі қаулы еткенге дейін мәдени-спорттық шаралардың өткізілуін тоқтата тұру;
13) тазалау инвентарын бөлу (тегештер, шелектер, щеткалар, сүрткіштер), маркалау және жеке жайларға бекіту (санитарлық орындар, медициналық пункт, ас блогының өндірістік орындары, түскі тамақ залы, рекреациялар, оқу кабинеттері, сыныптар, жатын бөлмелер, өндірістік шеберханалар);
14) тазалау инвентарларының жеке арнайы жерде сақталуын қамтамасыз ету; 
15) жуу және тазалау құралдарының қоры мол болуы тиіс;
16) педагогикалық ұжымға, балаларға және ата-аналарға терімен қапталған жеке антисептиктерді пайдалануға кеңес беру;
17) оқушылармен тақырыптық диктанттар, семинарлар өткізілсін, жеке бас гигиенасын сақтау және КВИ алдын-алу мәселелері бойынша ақпараттық стенд ресімдеу;
18) дезинфекциялық тәртіп бойынша техникалық персоналмен инструктаж жүргізу;
19) жалпы білім беретін орта мектептерде короновирус инфекциясын болдырмау бойынша шаралар жоспарын құру;
20) құрал-жабдықтар инвентарьлар, жеке сақтану құралдарын, УФО (бактериоцидтік лампалар) инфроқызыл термометрлер алу жоспарын құру.
Аталған алгоритм барлығының назарына жеткізілсін және орындалсын.