Наурыздың 19-20 күндері мектебімізде Ұлыстың ұлы күні -Наурыз мерекесіне арналған мерекелік іс-шаралар өткізілді. Барлық сыныптарда тәрбиелік мазмұны бар сынып сағаттары, тәрбие сағаттары өтті. Оқушылар ұлттық киімдерін киіп, ән шырқады. 20 наурыз күні мектептің жиын залында «Наурыз- думан 2018» атты мерекелік концерт өткізілді. Мерекеде елімізде тұратын ұлттар мен ұлыстардың ұлттық киімдері киіліп, билерін билеп, театрландырылған қойылым қойылды. Қазақ халқының биі, Өрнек биі, Тұран биі, Ұйғыр, Өзбек халықтарының билерін оқушылар нақышына келтіріп орындады. Ұлттық аспаптарымыз домбыра, жетігеннен күмбірлеген күй төгілді. Қыдыр ата келіп батасын берді. Наурыз көже таратылып, ұлттық ойындар ойнатылды