Мұқағали Мақатаев шығармашылығына арналған

«Жырлайды жүрек» атты поэзия кеші.

Ақпарат

         №86 жалпы білім беретін орта мектепте 9 ақпан күні, қазақтың қара өлеңін кие тұтқан, жүрегінің түбінен қайнап шыққан асыл жырларымен қалың жұртшылықтың махаббатына бөленген қазақ поэзиясының Хантәңірі - Мұқағали Мақатаев шығармашылығына арналған «Жырлайды жүрек» атты әдеби-жыр кеші болып өтті.

        Поэзия кеші қалалық білім бөлімінің әдістемелік кабинеті жұмысының жоспарына сәйкес өткізілді. «Оқу шаттығы» жобасы аясында құрылған «Жыр Жалын» поэзия клубы ұйымдастырған ән-жыр кешіне қалалық білім бөлімінің әдіскері Жаркеева Гулназ Бекетовна, №39 мектеп-гимназиясының директордың тәрбие жұмысы орынбасары Шайхин Айдар Турсынбаевич, қазақ тілі мен әдебиеті пәндерінің мұғалімі Альжанова Мөлдір Жақсыбайқызы, №137 негізгі мектептің қазақ тілі мен әдебиеті пәндерінің мұғалімі Оспанов Айдар Әбкенұлы, жас ақын ҚарМУ-нің 2 курс студенті Ахметбек Мариям Наурызбайқызы келіп, қатысты.

         Мектебіміздің оқушылары ақиық ақынның отанына, туған елге, қазақ еліне, «Шеше, сен бақыттысың», «Әке», «Қариялар», «Қайран жеңгем», «Жүрек арызы», «Махаббат диалогі» «Ғашықпын»,  «Мен сені ұнатамын», «Не айтам саған» «Мен сені сағынамын»,«Қайдасың, көріктім, гөзәлім», «Сен менің», «Бәрін де қойшы» т.б. өлеңдерін оқыды. №1 өнер мектебінің ұстазы Бекжігіт Сейдалыұлы «Қара өлең», «Жас қайың» әндерін орындап, «Құмған алған» әнін музыка пәнінің мұғалімі Тлеубек Дінния шырқады. Бастауыш сыныптың оқушылары ең алғашқы қауырсын жырларынан шашу шашып, кешті қорытындыласа, әдеби-сазды поязия кеші Налибаева Талшын Бахытқызының және жыр сүйер оқушылардың Мұқағали Мақатаевтың «Бақыт деген» сөзіне жазылған  әнімен тәмамдалды.   

        Бүгінгі кешке қатысқан тыңдарман қауым Мұқағалидың сырлы, әуенді, мұңды жырларына қанық болды.

        Жылдар тізіліп өткен сайын Мұқағали ақынның бейнесі тұлғалана, биіктей түседі. Оның рухани қазынасын ұлт иелігіне асыратын XXI ғасырдың жастары!

Орындаған: Казиева Аңсаған Алпысбаевна