2015 -2016 оқу жылы

Ә/Б  онкүндік  жұмысының мақсаты: бастауыш мектеп мұғалімдерінің педагогикалық  шеберлігін  дамыту, заманауи педагогикалық технологияларды білу және  қолдану аясындағы  құзіреттілігін  көрсету, әр ұстаздың шығармашылық  ерекшелігін көрсетуіне жағдай жасау,  ақпараттық - коммуникативті  технологияларды енгізу арқылы  оқытудың сапасын жақсарту.

Онкүндіктің  өту  мерзімі:  16-28 қараша.

2015 жылдың  қараша   айының  16-28 аралығында мектепте бастауыш мектеп  Ә/Б  онкүндігі  өтті. Әдістемелік   бірлестігімізге 8 бастауыш сынып мұғалімі, 2 мектепалды  даярлық тобының  2 тәрбиешісі, 1 логопед маманы кіреді.Онкүндік  жұмысының  жоспары  алдын- ала Ә/Б № 2 отырысында  құрылып,  әкімшілікпен  бекітілді. Жоспар бойынша  Ә/Б  әр мүшесі  сыныбында 1 ашық сабақ және  1 тәрбие сағатын өткізуді жоспарлады. Жоспар бойынша  7 ашық тәрбие сағаты мен 5 ашық сабақ өтті. Білім жетілдіру курсына қатысуына , денсаулығына  және тағы басқа себептерге қарай  бірнеше мұғалімнің  іс-шаралары өтпей қалды: 3Ә сыныбы( Шопаева С.Д.) дүниетанудан  ашық сабағы және тәрбие сағаты, 1А сыныбы ( Нурмаганбетова С.К.) ашық шаралары. 2 мектепалды  даярлық тобының  тәрбиешілері (Намесхан А. мен Кабылова Г.С.)  және  логопед  маманы Айтжанова С.С. іс-шаралары  3-ші  тоқсанға қалдырылды. Мұғалімдер математика,   қазақ тілі, әдебиеттік оқу пәндерінен сабақ берді.

Жоғары деңгейде өткен тәрбие сағаттары: 2"Ә" сыныбында ата -аналардың қатысуымен өткен "Достық  шаңырағы" атты  Қазақстан халықтарының Ассамблеясының 20-жылдығына орайласқан  фестиваль( Касаинова Г.А.),  4"А"сыныбында да ата-аналардың  қатысуымен  өткен "Ана тілім - ардағым" атты тәрбие сағаты (Мукашева  З.Б.),  3Ә  сыныбында өткен "Білім ғаламшарларына саяхат" атты  викторина (Бегайдар Ж.Р.). Бұл шараларда   мұғалімдердің  жауапкершілігі, тақырып таңдауда  өзектілігін  ескеруі , эстетикалық  талғамға сай безендіруі  назарға алынды.

Онкүндік  шеңберінде  3 "Ә " сыныбы  Орбита ауданының  кітапхана қызметкерлері  Мағжан Жұмабаевтың  130 жылдығына  арнап  өткізген  іс-шарасына   қатысты ( Бегайдар Ж.Р.). 16-26 қараша аралығында құқық  бұзушылықтың алдын алу мақсатында  "Менің  құқығым" атты шығармалар байқауы өтті. Сол аптада салауатты өмір салтын қалыптастыру  мақсатында "Денсаулық - зор байлық" атты суреттер көрмесі өтті. Бұл  көрмелерге белсенді  қатысқан  сыныптар арасында : 2А,2Ә, 3А,3Ә, 4А сынып  оқушылары. Қарашаның 23-28 аралығында елбасы күніне орай  "Менің  Отаным -Қазақстан " атты  шығармалар мен суреттер байқауы болды. Жоспарланған "Үлгілі  дәптер" атты  байқау   30.11.- 05.12. аралығында өтті. Бастауыш сыныптардан  барлығы 23 оқушының  дәптері "үлгілі" деп танылды. Ең  көп  үлгілі дәптерлер  1А, 4А сыныптардан  байқалды.Үлгілі дәптер иелері  мақтау қағаздарымен  марапатталды.

Қорытынды:Бастауыш мектеп әдістемелік бірлестік онкүндігінің жұмысы "қанағаттанарлық". Мұғалімдердің  жоспарлары әдістемелік талапқа сай  құрылған. Мұғалімдер  ақпараттық  коммуникативтік  технологияны меңгеріп, қолданады, сабақта топтық, жұптық жұмыс әдістерін үнемі  қолданады. Кеңінен сын тұрғысынан ойлау  технологиясының  стратегияларын пайдаланады.

Кемшіліктер: Онкүндік жұмысының барысында  келесі  кемшіліктер анықталды:

1. Мұғалімдердің өзара сабаққа  қатысуы  жүйеге келмеуі.

2. Ашық  сабақтарда  оқушылардан  толық  жауап талап етпеу, мәнерлеп оқуына назар аудармау, сабақ  уақытын үнемдемеу.

3.  Топтық  жұмысты дұрыс ұйымдастырмау.

4. Тәрбие  сағаттарында  берілген   материалды өмірмен байланыстырмау.

Ұсыныстар: Онкүндік шеңберінде  өтпей қалған шараларды  өткізу, сабақтарда топтық  жұмысты  дұрыс  ұйымдастыру, сабақтың  әр кезеңін уақытпен шектеп, 45-минуттан аспау. Әдістемелік бірлестік  мұғалімдерінен  қатаң түрде өзара сабаққа  қатысуын талап ету.