2015 жыл – Қазақстан халқы Ассамблеясының жылы атауымен өтуде. Осы мақсатпен 28-ші қарашада бастауыш сынып мұғалімі Касаинова Гульназ Амангельдиновна 2 «Ә» сыныбында «ДОСТЫҚ ШАҢЫРАҒЫ» атты фестиваль, яғни ашық шара өткізді.
Шараның басты мақсаты — қасиетті қазақ жерін тең бесік етіп бейбітшілікке бөлеген, елдіктің өлшемі, тұрақтылықтың тұтқасы болған Қазақстан Халқы Ассамблеясының 20 жылдығында жас буын жеткіншектерді бірлікке, татулыққа шақыру. Біздің жеткен байлығымыз — бірлігіміз екендігін, татулық — тұрақтылықтың ең басты тұғыры екендігін, ал тұрақтылық — ұдайы дамудың бірден бір кепілі екенін түсіндіре отырып, өз Отанының, өз елінің табиғи құндылықтарын сақтай білуге баулу.
Шараның ерекшелігі – сынып оқушылары жұптасып әр ұлттың өкілі ретінде өздерін таныстырып, сол ұлттың тарихымен, салт-дәстүрімен, тағамдарымен және ұлттық билерін билеп көрермендерге хабардар берді.
Сондай-ақ бұл шараға ата-аналар да белсенді қатысты.
Contacts
