Мектеп кітапханасында «100 кітап» жобасы аясында 11 «Ә» сынып оқушыларымен Ғабит Мүсіреповтің «Ұлпан» романына талдау жұмысы жүргізілді. Іс-шараның мақсаты – оқушыларға қазақ әдебиеті мен әлем классикасының алтын қорына енген аса құнды шығармаларды таныстыру, оларды оқуға деген қызығушылықты арттыру және ұлттық рухани құндылықтарды тереңірек меңгерту.
Талдау барысында оқушылар романның идеялық мазмұны, кейіпкер болмысы, тарихи кезеңнің көрінісі, Ұлпан бейнесінің ұлттық әдебиеттегі маңызы туралы өз ой-пікірлерін ортаға салды. Шара оқушылардың көркем туындыны түсіну қабілетін дамытуға, әдеби талғамын қалыптастыруға және шығармашылық ойлауын жетілдіруге ықпал етті.