КИБЕРБУЛЛИНГ — ЭКРАННАН КӨРІНБЕЙТІН ЖАН АЙҚАЙ

Кейде жан айқай естілмейді — ол іште тұншығады.
Бала телефонына үңіліп, өзімен-өзі тұйықталады,
достарынан, оқудан, өмірге деген қызығушылығынан алыстайды…
Ал ересектер: «Жасөспірімдік кезең ғой, өтіп кетеді» деп ойлайды.
Бірақ экранның ар жағында кибербуллинг — жүйелі түрде
қорлау, келемеждеу, қысым көрсету жасырын жатуы мүмкін.

Бұл — интернеттегі жай ғана келіспеушілік емес,
адамның өзіне деген сенімін жоятын, үрей мен күйзеліске ұшырататын,
тіпті қайғылы жағдайға апаратын психологиялық зорлық-зомбылық.

Кибербуллинг белгілері:
• Ренжітетін мемдер мен өсек-аяң;
• Жалған парақшалар (фейк-профильдер);
• Жеке фотосуреттерді рұқсатсыз жариялау;
• Чаттардан шығарып тастау;
• Топ болып жабырқау, мазақ ету.

Маңызды ақпарат:

Қазақстанда кибербуллингке заңмен тыйым салынған!
Ол үшін әкімшілік немесе қылмыстық жауапкершілік қарастырылған:
• ҚР ӘҚБтК-нің 127-2-бабы – «Кәмелетке толмағанға қатысты буллинг және кибербуллинг»,
айыппұл – 30 АЕК-ке дейін;
• ҚР ӘҚБтК-нің 73-3-бабы – «Жала жабу» (онлайн кеңістікте де қолданылады);
• ҚР ҚК-нің 131-бабы – «Қорлау»;
• ҚР ҚК-нің 105-бабы – «Өз-өзіне қол жұмсауға итермелеу»
(9 жылға дейін бас бостандығынан айыру);
• ҚР ҚК-нің 110-бабы – «Азаптау»
(7 жылға дейін бас бостандығынан айыру).

Егер сен кибербуллингке ұшырасаң, міндетті түрде ата-анаңа, мұғаліміңе немесе психологқа айт.
Онлайн ортада өзіңді қорғай біл!

#ЗАҢМЕНТӘРТІП
#ЗАКОНИПОРЯДОК
#кибермошенничество
#кибералаяқ