Бүгін 6-маусым, оқушылар Абай атындағы балалар кітапханасына барып, көптеген кітаптармен танысып, ақпараттар алып қайтты. Кітапханашы апайларымен көңілді әңгіме өткізіп, жақсы әсерге бөленді. Кітапханашы оқушыларды кітапхана туралы, оқу залы, кітаптардың қалай орналасқаны, кітапханаға қалай жазылу керектігі, балалар әдебиеті бөлімі,  кітап қоры туралы толық мағлұматтар берді. Сондай-ақ іс-шара барысында бүлдіршіндердің назарына ертегі кітаптары, балаларға арналған энциклопедиялар,тағы да басқа көркем суреттелген иллюстрациялы кітаптар ұсынылды.Кiшкентай оқырмандарымыз үлкен қызығушылық танытты. Шара соңында кітапханашы оқушыларды кітап сүюге, кітаппен дос болуға шақырды.