Оқушылардың  көктемгі демалысы уақытында  мектебіміздің 11 а сыныбының 14 оқушысы  мен жетекшісі А.Ы.Зекенова және пән мұғалімдері  Ж.К.Садыкбекова, А.А.Сыздыкова, С. Тілеуханмен бірлескен "Жаңарған Түркістан" қаласына үш күндік саяхатқа бардық. Түркістан қаласына саяхаттауды ұйымдастырудың басты мақсаты: тарихи -мәдени, рухани байлығымыз туралы кеңінен мағлұмат беру. Қазақ хандығы мемлекетінің дамуына айрықша үлесін қосқан ұлы хандар тарихымен жете танысу.  Осы мақсатта Түркістан өлкесіндегі киелі тарихи Арыстан баб, Қ.А. Яссауи, Укаша ата, Домалақ ана кесенелеріне, Қырық Шілтен киелі орны, көне қалаларымыз Отырар, Сауран жұртын аралап, бірнеше ғасырдан бері сақталып келе жатқан құрылыстың салыну ерекшеліктері мен тарихымен жете таныстық. Осы саяхатымыздың барысында оқушылар еліміздің ортағасырлар тарихынан жанды мәліметтер ала отырып, жаңадан тың деректермен де танысты. Осы саяхатымызды ойдағыдай жүзеге асуына мүмкіндік жасаған мектеп әкімшілігі мен " Бинұр" туристік агентігіне алғысымызды білдіреміз.