Тәуелсіздігіміздің 30 жылдық мерекесіне орай мектебіміздің  10-11 сынып оқушыларын тарих пәні мұғалімдері А.А.Сыздыкова, А.Ы.Зекенова және қазақ тілі пәні мұғалімі Ж.Т.Шакимова  күзгі демалыс уақытында Ақмола облысы жанындағы  А.Л.Ж.И.Р. (Отан сатқындары әйелдерінің Ақмола лагері) – мемориалды –мұражай кешеніне апарды. Оқушыларға  еліміздің  өткен тарихтағы  ақтаңдақтар жайында мағлұмат алу  мақсатында ұйымдастырылды. 

   Сонау 1937-ші жылы ІІХК-ның арнайы бұйрығымен салынған Ақмола халық жаулары әйелдерінің лагері, кейін баршаның аузында АЛЖИР аталып кеткен азап орталығында 20 мыңға дейін нәзік жандар қамауда болған. Қарағанды лагерінің 17-ші бөлімшесінің артынан 26-шы нүкте болып құрылған осынау тозақ орталығында небір ел жайсаңдарының  зайыптары, қыздары мен қарындастары жазықсыздан-жазықсыз жапа шеккен.