01.06. 2021ж. күні мектебіміздің 2А сынып оқушылары (сынып жетекшісі –Нурмаганбетова С.К.) Ж.Бектұров атындағы Қарағанды облыстық жасөспірімдер кітапханасында  қонақ болды. 1 маусым-Балаларды қорғау күні мерекесіне орай кітапханада «Жарқын жазды қарсы алып, көңілденіп ойнаймыз!» атты мерекелік шараға балалар ата-аналарымен, іні-қарындастарымен бірге қатысты. Кітапханашылар Аширова А.Р. және Райымбек Ж. Ж. әдеби-ойын алаңын құрды. Шарада қуыршақ театры көрсетілді, әдеби викторина, ертегілер тыңдау, ойындар, асфальтта сурет салу жұмыстары ұйымдастырылды. Соңында оқушылар тәтті тосынсыйлар алды. Ата-аналар мен балалар кітапханаға жазылып, жазға мұғалім ұсынған кітаптарды оқуға алды. Мерекеден қатысушылар өте жақсы көңіл күймен қайтты.