«Атыңнан айналайын - Атамекен»

       «Жақсының аты, ғалымның хаты өлмейді» депті дана халқымыз.

     2021 жылдың 19 наурыз күні «Жыр жалын» поэзия клубының аясында балғын балалықты тілге тиек еткен, балалар әдебиетіне ерекше үлес қосқан ақын, білікті журналис, есімі алты Алашқа мәшһүр, арқалы ақынымызЖеңіс Қашқыновтың 80 жылдық мерейтойы қарсаңында «Атыңнан айналайын- Атамекен» жеңістанушы, журналис, «Qazaq English», «Толық адам және 4 даму» жобаларының негізін қалаушы және жетекшісі Ернат Мелсұлымен онлайн  кездесу өтті. 

      Қазақылықтың қаймағы бұзылмаған киелі Ақтоғай елі де өз алыптары мен асылдарын қашанда ардақтай білген. Ақтойғада небір алыптар туды. «Жеңіс аға – өзінің туған жерін керемет жырлаған ақындардың бірі. Ақтоғай – Әлихан Бөкейхан, Әлімхан Ермеков, Күләш Бәйсейітова, Манарбек Ержанов, Нарманбет Орманбетұлы, әрі барсаң Қараменде би шыққан жер. Тақыр жерге шөп шықпайды, Жеңіс Қашқынов сондай қасиетті топырақта дүниеге келді» деді Несіпбек Айтұлы. ақын, Мемлекеттік сыйлықтың лауреаты. Сол асылдың сынығы арқалаған ұлылардың аманатын Ернат Мелсұлы жалғастырып өтпек. Ернат Қашқынов 1982 жылы 19 мамырда Қарағанды облысы Ақтоғай ауданының орталығы Ақтоғай ауылында туған. 1999 жылы Сәуле ауылындағы Қ.Нұржанов атындағы орта мектепті, 2003 жылы Е.А. Бөкетов атындағы Қарағанды Мемлекеттік Университеті Шет тілдер факультетінің«Ағылшын-француз тілдерінің мұғалімі» бөлімін аяқтады.

       Ресми еңбек жолын 2003 жылы Ақтоғайдағы Ә.Бөкейхан атындағы мектепте ағылшын тілінің мұғалімі болып бастаған.

     2008 жылы Үндістан астанасы Нью-Дели қаласында мемлекеттік қызметшілерге арналған «Кәсіби ағылшын тілі» озық курсынан, 2015 жылы «Euronews» халықаралық телеарнасында іс-тәжірибеден өткен.

      Әр жылдары К. Байсейітова атындағы мектепте ағылшын тілінің мұғалімі, Ақтоғай ауданы Ішкі саясат, мәдениет және тілдерді дамыту бөлімінде жетекші маман, бас маман, меңгеруші, Астанадағы Ш. Шаяхметов атындағы Тілдерді дамытудың республикалық үйлестіру-әдістемелік орталығында бас маман, ҚР Мәдениет және ақпарат министрлігінің Тіл комитетінде жетекші маман, сарапшы, Төраға көмекшісі, Назарбаев Университетінде кеңесші, «InteractivKazakhstan» компаниясында проект-менеджер, «Жетінші арна», «Еуразия», «Хабар24»арналарында редактор-аудармашы, «Атамекен» business channel-де халықаралық маңызды оқиғаларға арналған «Шартарап» апталық бағдарламасының авторы әрі жүргізушісі болып жұмыс істеді. Қазір «Хабар 24» арнасында Жаңалықтарда және «Әлем» апталық бағдарламасында шетелдік шолушы және «Шартарап» бағдарламасында автор-жүргізуші.

     Елбасы Нұрсұлтан Назарбаевтың «Рухани жаңғыру» бағдарламасының аясындағы «Жаңа гуманитарлық білім. Қазақ тіліндегі 100 жаңа оқулық» жобасы бойынша «Ұйымдық мінез-құлық негіздері» (Essentials of Organizational Behavior) оқулығының 14-басылымын «Медиа және журналистика: теория мен практикаға жаңа көзқарас» (Media and Journalism: New Approaches to Theory and Practice) кітабының 3-басылымын ағылшын тілінен тікелей қазақ тіліне аудару жұмысына қатысты.Қыз балаларға арналған «SuperQyz» (Супер Қыз) мотивациялық кітабын орыс тілінен қазақ тіліне аударды.

  Ернат Мелсұлы «Qazaq English», «Толық адам және 4 даму»жобаларының негізін қалаушы және жетекшісі.

      «Ағылшынша тіл сындыру» кітабының, «Ағылшын – ауыл үшін», «Абай арқылы ағылшынша үйрен», «English+Motivation» әдістемелерінің авторы.

     Ернат Мэлсұлы өнер, мәдениет, ақындық жайлы сұрақтарға жауап бере отырып 2017 жылы ҚР Ұлттық академиялық  кітапханасында ақын Жеңіс Қашқыновтың туғанына 75 жыл толуына арналған «Ерттеп міндім өлеңнің дүлдүл атын» атты әдеби-сазды еске алу кеші өткенін, кеш барысында ақынның «Тағзым» жыр жинағының тұсауы кесілгендігін айта өтті.