Құрметті ұстаздар, әріптестер, оқушылар, Сіздерді еліміздің ең ұлық мерекесі - Қазақстан

Республикасының Тәуелсіздігі күнімен шын жүректен құттықтаймын!

         Осыдан 29 жыл бұрын 1991 жылы 16 желтоқсанда Қазақстан Республикасының Мемлекеттік Тәуелсіздігі туралы Конституциялық заңға қол қойылып, ата-бабамыздың асыл арманы мен ұлы мұраты жүзеге асты.

         Әлем картасынан көк туы көкке желбіретен Қазақстанның жаңа тарихы жазыла бастады. Территориясының көлемі бойынша дүниежүзі елдерінің арасынан 9-шы орын алатын еліміздің мемлекеттік шекарасы толық бекітіліп, халықаралық қауымдастықтың тарапынан зор құрметке ие болып отыр.

         Бүгінгі күнде Тәуелсіз Қазақстан халқының рухы биік, мәдениеті жоғары, білімі кемел, экономикасы куатты елге айналды. Ұлы далада салтанат құрған бейбітшіл еліміз, 2050 жылға қарай бәсекеге барынша қабілетті әлемнің дамыған отыз мемлекетінің қатарында болуды алдына мақсат қылып қойды.

        Елбасы Нұрсұлтан Назарбаев «Қазақстанның ең қастерлі құндылығы - ел тәуелсіздігі», - деп айтқандай біздің басты қымбат құндылығымыз ол -Тәуелсіздік. Тәуелсіздік жылдарында Қазақстан әлем мойындаған іргелі елге айналды. Елімізде тұрақтылық орнап, татулық пен қоғамдық келісімнің тамаша үлгісі қалыптасты.

       Құрметті ұстаздар, оқушылар Тәуелсіздігінің 30 жылдығына қадам басқан еліміздің орасан-зор табысқа жетуіне Сіздердің тараптарыңыздан қосатын үлестеріңіз жоғары. Сіздердің білімдеріңіз бен беріп жатқан тәрбиелеріңіз отанымыздың интеллектуалдық дамуына, экономикасының өркендеуіне қызмет жасайды.