Ән - көңілдің ажары

      Тәлімді адамдармен кездесіп, тәрбиесін танытар «Өнегелі өмір» жобасы аясында  сегіз қырлы, бір сырлы, Қазақстан жастар  одағы сыйлығының лауреаты, Қазақстанның еңбек сіңірген қайраткері,  ҚР білім беру ісінің құрметті қызметкері Кемалов Жақсыгелді ағамен  кездесу қарашаның 25-ші жұлдызында өтті.

    Іс - шарамыздың мақсаты – оқушыларымызды жерлес ағаларымыздың  шығармашылығымен таныстырып, кіші буын жастарға патриоттық рух беріп, адамгершілік қасиеттерге баулу.

     Кездесу барысында әншінің өмірбаяны, ата-анасы, отбасы, қызметі жайында оқушыларға кеңінен таныстырылды. Жақсыгелді Кемалов Абайдың “Сегіз аяқ” өлеңін орындады. Оқушылар әншіге  өздерінің толғандырып жүрген сұрақтарын қойды. Кездесу соңында әнші Жақсыгелді Кемалов №86  мектептің 7 «А» сынып оқушыларына, мектеп ұжымына жылы лебіз, тілектерін білдірді. Кездесу өте жоғары дәрежеде өтті.