2021 жылдың 15 наурызында Ерлан Сапарұлы Артықбаев 5 "Б" сыныбында "Семей ядролық полигоны – Қазақстандағы атом дәуірі"тақырыбында ашық сабақ өткізді. Оқушылар талқылауға белсене қатысып, сабақ дөңгелек үстел түрінде өтті.

Семей сынақ полигоны — КСРО — ның алғашқы және ең ірі ядролық полигондарының бірі, сондай-ақ "СИЯП" - Семей ядролық сынақ полигоны ретінде де белгілі. Ресми атауы: 2-ші Мемлекеттік Орталық ғылыми-зерттеу сынақ полигоны (2 ГЦНИИП).

Полигон құрылысы 1947 жылы КСРО Министрлер Кеңесінің 21.04.1947 ж. № 1092-313 сс/оп "тау-кен станциясының (№905 нысанның) мәселелері"құпия қаулысына сәйкес басталды. Кеңес Одағындағы ядролық қарудың алғашқы сынағы осы полигонда 1949 жылы 29 тамызда өткізілді.

1949 жылдан 1989 жылға дейін Семей ядролық полигонында кемінде 468 ядролық сынақ жүргізілді, онда кемінде 616 ядролық және термоядролық құрылғылар жарылды, оның ішінде: 125 атмосфералық (26 жерүсті, 91 әуе, 8 биіктік); 343 жер астындағы ядролық сынақ жарылыстары (оның ішінде 215 штольняда және 128 ұңғымада). Сонымен қатар ондаған гидроядролық және гидродинамикалық сынақтар жүргізілді ("НЦР" — толық емес тізбекті реакциялар).

1989 жылы белгілі қазақстандық қоғам қайраткері Олжас Сүлейменов бүкіл әлем бойынша ядролық сынақтардың құрбандарын біріктірген Невада — Семей қозғалысын құрды. Полигондағы соңғы жарылыс 1989 жылдың 19 қазанында болды. 1991 жылғы 29 тамызда Семей полигонын Қазақ КСР үкіметі жапты.