Поэзия - сөз өнерінің алтын тәжі

       Қарағанды жері - туған елінің мүддесін қорғайтын ұмтылыстарымен көпке белгілі, қоғамда белгілі бір мәртебесі бар  патриот тұлғаларға бай өлке.

    Қарағанды облысынан шыққан танымал тұлғалар біздің Отанымыздың қоғамдық өмірінің барлық салаларында қызмет етуде. Біздің жерімізде біздің балаларымызға көп нәрсені үйрететін танымал ақиық  ақындар, жазушылар, дәрігерлер, мұғалімдер, әншілер, белгілі бизнесмендер  аз емес.

      Қазіргі таңда білім беру жүйесінің негізгі міндеттерінің бірі - бұл балаларды өмірге ерте дайындау, өмірде өз орнын алуға қабілетті, дербес, табысты және сенімді тұлғалардың өсуіне көмектесу.

      Табысты болудың ең іргелі, басты факторы білім екенін әркім терең түсінуі керек.  Кез - келген адам үшін "Табыс формуласы" – бұл қойылған мақсаттарды іске асыруға және қажетті нәтижеге қол жеткізуге бағытталған әрекеттердің өзіндік тізбегі. Тек мақсатты және жауапты адам ғана табысқа жетудің өз формуласын нақты анықтай алады.        Оқушыларды  "Табысты болуға" үйрету керек. Сонда ғана олар өз өмірінің жоспарын жоспарлай отырып, ерте жастан мамандығын таңдап, үлкен өмірге икемделеді.

     Осыған орай, 2020 жылдың 07 қарашасы күні сағат 11.30- да  ақын, Қазақстан Жазушылар одағының мүшесі, шығармашыл жастардың Халықаралық фестивалінің лауреаты - Асқаров Қайрат Белгібайұлымен онлайн форматта ZOOM платформасында онлайн кездесу өтті. Ұйымдастырылған  атаулы іс-шараның негізгі мақсаты: өскелең жас ұрпақтың бойындағы дарын-таланттарын дамытып, заман талабына сай көзі ашық, көкірегі ояу азаматтарды тәрбиелеу болып табылады. Кездесу қалалық «Өнегелі өмір» және облыстық «Жыр жалын» жобаларының аясында өткізілді.

     Кездесу барысында Асқаров Қайрат Белгібайұлы өз еңбек жолымен оқушыларды таныстырып, оқушылар тарапынан қойылған сұрақтарға жауап берді. Мектебіміздің поэзия әлеміне жақын, жас әрі дарынды 8  «А» сынып оқушысы – Жеңісбек Айтбек Қайрат Белгібайұлына өз шығармашылығынан өлең оқып, оң бағасын алды. Қайрат Белгібайұлы  оқушымыз Айтбекке өнер жолында биік белестерден көрінуіне тілектес екендігін білдірді. Жүргізушілеріміз 8 «А» сынып оқушысы – Жамаш Айкүнім мен 9 «А» сынып оқушысы - Қасымбек Ақбота  ақиық ақынымызбен еркін тілдесе алып, өз шеберліктерін байқатты. Жас бүлшіршініміз 2 «А» сынып оқушысы – Руфатұлы Абдуләлим  ағамыздың өлеңдерін мәнерлеп оқып, ақынымыздан бата алды. Қайрат Белгібайұлы да өз шығармашылығынан қызықты сәттерін әңгімелей отырып, біраз өлеңдерін оқып берді.  Онлайн форматта өткен шараға, мектебіміздің 8-11 сынып оқушылары белсене қатысты.

     Кездесу соныңда, Қайрат ақын мектеп ұжымына өз жүрекжарды тілегін білдірді. Бүгінгі жастардың міндеті – жеке жауапкершілік қана емес, мемлекет алдындағы жауапкершілікті сезіну. «Бой емес, ой жарыстыратын заманда» жастар жан-жақты, бәсекеге қабілетті, ынталы болуы керек  деп сөзін аяқтады.