Қарағанды қаласының №86 орта мектебінде өткен «Қаржылық сауаттылық» апталықтың қорытынды түйіндемесі ретінде қазақ бастауыш сынып оқушыларымен өткен шаралар өз мәресіне ойдағыдай жетті. Шараның мақсаты: қаржыны тиімді пайдалана білуді үйрету, оқушыларды білімді, дарынды, озық болуға тәрбиелеу, өз пікірін дұрыс мәдениетті түрде жеткізе білуге және топпен жұмыс жасай білуге дағдыландыру, экономикалық ой - өрістерін, қиялын дамыту.

Шара барысында 2-4 сынып білім алушылары қаражатқа байланысты логикалық есептер шығарып, қызықты ойындар ойнады, әлем валюталары туралы деректермен танысып, білім көкжиегін кеңейте алды. Қаржылық құзыреттіліктерін  шыңдау мақсатында бастауыш сыныптар дәлізінде «Балауса» ойын-саулық алаңы білім алушыларды қызықтыра түсті. Шараның соңында белсенді қатысқандарға мадақтамалар мен естелік сыйлықтар табысталды. Бұл шараға белсенді қатысып, жоғары дәрежеде өткізгендері үшін бастауыш сынып мұғалімдеріне сырттан келген қонақтар, мектеп әкімшілігінің өкілдері ризашылық білдіріп алғыс айтуда.