Бүгін мектебімізде Республикалық бірыңғай «Жас ұлан» балалар мен жасөспірімдер ұйымына 5-сыныптар арасынан 42 оқушы қабылданды. Сынып топ басшылары «Ұланбасыға» рапорт беріп, рәмізімізді құрметтеуге, өз жерін, елін мақтаныш етуге, үлкенге құрмет, кішіге ізет көрсетуге, білімді болуға, «Жас Ұлан» ережелерін бұлжытпай орындауға, өз Отанына шексіз қызмет етуге ант берді. Жиын барысында «Жас ұланның» мақсаты мен міндеті айтылды.  Директордың тәрбие ісі жөніндегі орынбасары Б.К.Оспанова жас ұландарды құттықтап, жүрек жарды тілегін айтты.