1 қазан күні «Қарттарым аман-сау жүрші» атты мерекелік іс-шара болып өтті. Іс-шара Халықаралық қарттар күніне орай өткізілді. Мерекелік концертке Орбита мөлтек ауданында тұратын және оқушыларымыздың ата-әжелері арнайы шақыртылды. Қарттарды құттықтауға арнайы Қарағанды қаласының әкімдігінің өкілі Толепова Б.Х. және Қарағанды қаласы білім бөлімінің басшысының орынбасары А.Б.Бақтыбаев келіп құттықтау сөз сөйледі. Мерекелік концертті дайындаған 6А,5В,7В сыныптарының оқушылары мен сынып жетекшілері. Оқушылар ата,әжелерге, аналар мен әкелерге арнап өлең оқып, ән шырқады. Мектебіміздің оқушылары «Айналайын» би ансамблінің белді мүшелері биден шашу шашты. Сонымен қатар ашық микрофон алаңына 5 және 6 сыныптың оқушылары шығып, ата-әжелерін құттықтап, олармен мақтанатынын айтып, көпшіліктің көңілін елжіретті. Орбита мөлтек ауданы қарттарының ұйымдастырушысы К.К.Аубакирова мектеп ұжымына және оқушыларға алғысын білдірді. Концерт соңында мектеп директоры Қ.Р.Кенжеғали «Жас ұрпақтың, халқының жарқын болашығына өз үлесін қосып, күш-жігерін, білімін аямай тер төккен қарияларымызға тағзым етеміз» деп іс-шараны тәмамдады.
Байланыс телефондары
