Бүгін 5 қыркүйек ҚР Тілдер күнін және ұлт ұстазы Ахмет Байтұрсыновтың туған күнін мектебіміз атап өтті. Өткізілу барысында жоспарланған іс-шаралар толық қамтылды.

         «Тіл –татулық тірегі» атты саптық жиын жалпы мектеп бойынша өткізіліп, 1 қабаттағы фойеде экран арқылы А.Байтұрсынов туралы деректі фильм көрсетілді. Сонымен қатар «Жыр Жалын» поэзия клубының мүшелері радиотораптан ақынның өлеңдерін мәнерлеп оқып, ҚР Тілдер күні туралы хабарлар таратты. 8-11 сыныптар аралығында «Ұлылар ұлағаты-ұрпақ ұстанымы» атты эсселер байқауы өтті. Ал 4-7 сыныптар аралығында «Қазақтың ұлы тұлғалары» атты диктанттар байқауы өткізілді.

         Директор жанындағы педагогикалық  кеңесте 29 тамыз күні «Қазақ тілі-мемлекеттік тіл» тақырыбында қаралды. Көтерілген мәселе: «Тіл Заңының орындалысы, Тіл мерекесінің 5 қыркүйекке ауысуы, латын қарпіне көшу мәселелері».

       8 сыныптар аралығында «Мәңгілік елдің-мәңгілік тілі» атты зияткерлік сайыс-ойын өткізілді. Бұл іс-шара М.Әуезов атындағы кітапханамен бірлесіп өткізілді. Мектеп кітапханасында ҚР Тілдер күні және ұлт ұстазы Ахмет Байтұрсынов туралы көрме ұйымдастырылды. Оқыту орыс тіліндегі мектеп оқушылары арасында «Алыптар ізімен» атты хештег эстафетасы жалғасын табады.