2017 жылдың  қазан айының 26 күні Қарағанды қаласындағы «Гимназия №3» коммуналды мемлекеттік мекемесінде «Қазақ тілінен жаңартылған білім мазмұны  бағдарламасынын  тәжірибеге енгізудің тиімді әдістері » тақырыбында қазақ тілі мұғалімдерінің облыстық семинары өтті. Семинар мақсаты - қазақ тілінен жаңартылған білім мазмұны  бағдарламасының  тиімді әдістері бойынша тәжірибе алмасу.

     Бағдарлама мақсатын жүзеге асыру үшін және оқушылардың бойына  ХХІ ғасырда өмірдің барлық салаларында табысты, қажетті дағдыларды дарыту үшін, гимназия  мұғалімдері тынымсыз еңбектенуде.   

       Бұл ретте  семинарға келген әріптестердің назарына үш коучинг,бір шеберлік сабақ,бес ашық сабақ ұсынылды. Шеберлік сабақта 2,3 және 5 сыныптарда ортақ тақырыптардың қалай күрделенетіні және өзара байланысы, қалай шиыршықталып оқушының бастапқы білімін  дамыту жолдары көрсетілді.Семинарға дайындалған әр шарада жаңартылған білім мазмұны жағдайында қолданылатын әдіс-тәсілдер ұсынылды.

       Сабақ берген ұстаздар  жаңартылған білім мазмұны бойынша курстарда және деңгейлік курстарда біліктіліктерін жетілдірген мамандар. Жоғарғы және бірінші санатты тәжірибелі ұстаздармен қатар семинар жұмысына жас мамандар да , ашық сабақ беру арқылы, өз үлесін қосты.

     Семинарды жоспарлағандағы мақсаттар өз деңгейінде жүзеге асып, қатысушы әріптестер мен келген қонақтар кері байланыс кезеңінде семинарға  жоғары баға берді.