3  мамыр күні мектебіміздің оқушыларын "Жас Ұлан" қатарына қабылдау ресми салтанаты өтті. Қазақстан Республикасы Президенті Н.Ә.Назарбаевтың тапсырмасы бойынша құрылған "Жас Ұлан" бірыңғай балалар мен жасөспірімдер ұйымы бүгінгі таңда тек құрылым ғана емес, баланың тіршілік әрекетінде педагогикалық тұрғыда қалыптасқан ерекше орта, жаңартылған әлеумет болып табылады. «Жас Ұлан» ұйымының қатарына гимназияның облыстық, қалалық олимпиадаларда, ғылыми-практикалық конференцияларда, спорттық жарыстарда, шығармашылық байқауларда жүлделі орын алған ең белсенді жас жеткіншектері қабылданды. Салтанатты іс-шара қабылдау рәсімімен басталып, 7 бағытты қамтитын іс-шаралармен ұласты.