2016 жылдың 29 қазаны  "Дүниежүзілік инсультке қарсы күрес" күніне орай гимназия қабырғасында бірқатар іс-шаралар ұйымдастырылды. Аталған күн аясында салауатты өмір салтын қалыптастыру Ұлттық орталығының қызметкерлері мектеп ұжымына және ата-аналарға насихаттау жұмыстарын жүргізді. Оқушыларымыз темекі және спирттік ішімдіктердің зияндылығы туралы  қала тұрғындарына, ата-аналарға брошюлар таратты.  Мектебіміздің медициналық қызметкері мектеп холында ата-аналардың қан қысымдарын өлшеп, жүрек ауруларының алдын алатын кеңестерімен бөлісті. Жоғарғы, орта буын оқушыларының арасында салауатты өмір салтын насихаттауға байланысты рөлдік ойындар, жарыстар, эстафеталар өтті. Мектеп холындағы теледидардан ата-аналар мен қонақтарға жүрек, қантамырлар аурулары, олардың алдын алу, салауатты өмір салтын насихаттау туралы видеороликтер көрсетілді.