№3 гимназия ата-аналар қауымымен бірге онлайн режимде өткен облыстық "Біз балаларды қалай қорғаймыз?" тақырыбындағы  жалпы ата-аналар жиналысына қатысты. Аталған ісшара екі бөлімнен тұрды. Алдымен Қарағанды облысы білім бөлім басқармасы басшысының Аймағамбетов Асхат Қанатұлы өзін таныстыра отырып, ата-аналарды, мұғалімдерді жаңа оқу жылының басталуымен құттықтады. Асхат Қанатұлы қатысушыларды аталған шараның негізгі мақсатымен және  жоспарымен таныстырды. Сөз барысында оқушылардың жеке, әлеуметтік қауіпсіздігі, денсаулығы туралы айтылды. Ата-аналар назары оқушылардың ғаламторды пайдалануы мен иммунизация мәселеллеріне аударылды. Екінші бөлімді мектеп әкімшілігі жалғастырды.