Зияткерлік модернизация жобасы аясында 2025 жылдың 17 сәуірі күні Мағжан Жұмабаев гимназиясының ұйымдастыруымен өткен “ProfStart” байқауы үлкен табыспен аяқталды. Бұл байқау жас мамандардың шығармашылық және кәсіби дағдыларын дамытуға бағытталған маңызды шара болып саналады.
№3 Гимназияның атынан команда болып информатика пәні мұғалімі Әділхан Г., қазақ тілі мен әдебиеті пәні мұғалімдері Маратқызы А. және Аманбаева А.С. қатысты. Нәтижесінде 11 команданың ішінен III-дәрежелі дипломмен марапатталды!
Мақсат: дарынды педагогтарды анықтау, оларды қолдау және көтермелеу, олардың кәсіби дамуына жағдай жасау.
Бағдарлама:
Байқаудың қатысушылары сырттай 1-кезеңде бейне эссе жасап келесі кезеңге өтіп, 2-кезеңнің өзінде 3-сынаққа қатысып, өздерінің педагогикалық стартап жобаларын қорғап, шығармашылық бастамаларын ұсынды.
№3 гимназия командасы өздерінің қызықты және жаңашыл жобаларымен назар аудартты. Әсіресе, "Бес минутта үйрет" шығармашылық байқауында көрсеткен өнерлері әділ-қазы мүшелері мен басқа қатысушыларға ерекше ұнап, ең жоғарғы ұпайды иеленді.
Бұл байқау өзара тәжірибе алмасуға үлкен мүмкіндік болды. Сонымен қатар жастардың болашақ кәсіби жолына үлкен ықпал етіп, жаңа мүмкіндіктерге жол ашты.
“ProfStart” байқауы!
